ÉXODO 5:3 - Dios Rimashca Shimicunami

³ Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

ÉXODO 5:3 Iomraidhean Croise

2 REYES 17:25

Chai runacuna causai callarijpica cashnami tucurca: Paicuna chaipi causai callarishpaca Mandaj Diostaca mana mancharcacunachu. Chaimi Mandaj Diosca paicunata huañuchichun leoncunata cachajpi paicunata huañuchirca.

2 CRÓNICAS 30:8

Cancunapish ama paicuna shina sinchi shungucuna caichijchu. Ricushca jahuaca ama cancunapaj yayacuna shina ch'ahuanyashcacuna caichijchu. Chashna canapaj randica Mandaj Diospajlla cachun huiñaipaj ch'icanyachishca huasiman shamushpa, cancunata Mandaj Diospajta ruraichij. Chashna rurajpica, paica cancunahuan alli tucungami.

ESDRAS 7:23

Jahua pacha Diospaj huasipajca jahua pacha Dios tucui imallata mandashca shinallataj utca cuichij. Chashna cujpica ñuca mandacun llajtapajpish, ñuca churicunapajpish ima llaqui mana shamungachu.

ÉXODO 3:18

Paicunaca can nishcatami uyanga. Egiptota jatun mandajpajmanca canpish cunaj yuyajcunapish rishpaca: Hebreocunapaj Mandaj Diosmi ñucanchijhuan tuparca. Chaimantami caimantaca quimsa punllata shitashca pambata rishpa, ñucanchijta Mandaj Diosman animalcunata cushpa huañuchigrishun ninchij ninguichij nircami.

ÉXODO 7:16

paitaca: Mandaj Dios hebreocunapaj Taita Diosmi ñucataca cambajman cashna nichun cachan: Ñuca agllashcacuna shitashca pambapi ñucapajta ruranaman richun saqui. Ashtahuanpish canca cunancama manamari uyanguichu.

ÉXODO 8:1

Chaimi Mandaj Diosca, Moisestaca: –Faraonpaj ñaupajman yaicushpa: “Mandaj Diosca cashnami nin ni: Ñuca agllashcacunata ñucapajta ruranaman richun saqui.

ÉXODO 8:20

Mandaj Diosca Moisestaca: –Caya tutamanta utcata jatarishpa faraón jatun yacuman llujshijpica, paipaj ñaupajpi shayarishpa: Mandaj Diosca cashnami nin: Ñuca agllashcacunataca, ñucapajta ruranaman richun saqui.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

EZEQUIEL 6:11

Mandaj Jatun Diosca cashnapishmi nirca: “Cambaj maquicunahuan huajtarishpa, chaquicunahuan jaitarishpa cashna ningui: Cai tucui millaita ruraj israelcunalla, ¡aij imachari tucunguichij! ningui. Paicunataca espadapish, yaricaipish, ungüipishmi huañuchinga.

LEVÍTICO 26:25

Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

DEUTERONOMIO 28:21

Cancunapaj cachun cancuna japigricun llajtamanta tucui chingachingacamami, Mandaj Diosca cancunapaj jahuamanca huañuchij ungüita cachanga.