ÉXODO 5:22 - Dios Rimashca Shimicunami

²² Chaimi Mandaj Diospajman Moisés muyurishpaca: –Jatun Dioslla, ¿ima nishpajtaj can agllashcacunataca llaquichinguiyari? ¿Imapajtaj ñucataca caiman cacharcanguiyari?

ÉXODO 5:22 Iomraidhean Croise

1 REYES 19:10

Shina nijpi Eliasca: “Tucuita Mandaj Taita Dios nishcata pajtachina yuyailla huañuricuj cashcamantami caipi tiyacupani. Israelcunaca pajtachingapaj ari nishcata mana cazushpamari, cambaj altarcunatapish tucui urmachircacuna. Profetacunatapish espadahuanmi huañuchircacuna. Ñucallamari saquirishcani. Cunancarin ñucatapish huañuchingapajmi mashcacuncuna” nircami.

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

SALMOS 73:25

Jahua pachapica, pi shujtajta mana charinichu, quiquinllatamari charini. Cai pachapipish, quiquinmanta ch'ican ima shujtajtaca mana charisha ninichu.

ÉXODO 17:4

Chaimi Moisesca: –Cai gentecunataca ¿imatataj rurashari? Rumicunahuan shitanallamari illan– nishpa, Mandaj Diosta caparishpa mañarca.

JEREMÍAS 12:1

Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

JEREMÍAS 20:7

Mandaj Dioslla, ñucataca inquitashcanguimari. Ñucaca can inquitashcamari causani. Ñucata yalli sinchi cashpamari mishahuashcangui. Punllantamari ñucataca tucuicuna chanzata rurashpa asincuna.

JEREMÍAS 4:10

Chashna nijpimi, ñucaca cashna nircani: “¡Aij, aij! Mandaj Dioslla, cai Judá runacunatapish, Jerusalén pueblopi causajcunatapish: Sumaj causaitami charinguichij nircanguimari. Chashna nishpaca yallitajmari umashcangui. Cunanca ñucanchijtaca, ñamari espadata cungapi churashpa charicuncuna” nircanimi.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

NÚMEROS 11:11

Mandaj Diostaca cashna nirca: –Cambajta rurajtaca ¿ima nishpataj llaquichihuanguiyari? Cambaj ñahuipica ¿imapi mana alli ricurijpitaj israelcunahuan llaquita apachun churahuanguiyari?

JOSUÉ 7:7

Chaipimi Josueca: –¡Aij, Mandaj Jatun Dioslla! ¿Imapajtaj Jordán yacutaca ch'imbachircanguiyari? Amorreocuna ñucanchijta chingachichun, paicunapaj maquipi churangapajllamari ch'imbachishcangui. Jordán yacuta mana ch'imbashca cashpachari alli canchijman carca.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.