ÉXODO 5:2 - Dios Rimashca Shimicunami

² Ashtahuanpish faraonca: –¿Pitaj chai Mandaj Diosca pai nishcata uyashpa israelcunata richun ñuca saquingapajca? Mandaj Diosca pipishchari, mana rijsinichu. Israelcunatapish richun mana saquishachu– nircami.

ÉXODO 5:2 Iomraidhean Croise

2 REYES 18:35

Mandaj Dios ñuca maquimanta cai Jerusalén pueblota quishpichingami nishpa shunguta churachunca, cai pachapi tiyaj dioscunaca ¿maijan diostaj paipaj llajtapi cajcunata ñuca maquimanta quishpichi tucushcari? ninmi– nircami.

2 CRÓNICAS 32:14

Ñuca ñaupa yayacuna llaquichishca llajtacunapaj dioscunaca ¿maijan llajtapaj dios paipaj llajtata ñuca maquimanta quishpichi tucujta ricushcanguichijchu? ¿Cancunapaj Diosllachu ñuca maquimantaca quishpichi tucunga?

2 CRÓNICAS 32:15

Chashna cashcamantaca Dios quishpichingami nishpa, Ezequías cancunata crichishpa umachunca ama saquichijchu. Ñuca ñaupa yayacuna llaquichishca tucui llajtacunapaj dioscunaca maijan llajtapaj diospish paipaj maquimantaca, mana quishpichi tucurcachu. Cancunapaj Dioscarin maitataj cancunataca, ñuca maquimanta quishpichi tucungari ninmi” nircacunami.

2 CRÓNICAS 32:19

Chai mandajcunaca Jerusalenpi causajcunapaj Diostapish, shujtaj llajtacunapi causajcunapaj rurashcalla dioscunatapishmi c'amircacuna.

NEHEMÍAS 9:10

Mancharina, pi mana rurai tucuipajta rurashpami Faraontaca llaquichircangui. Paipajta rurajcunatapish chashnallatajmi rurarcangui. Tucui chai llajtapi causajcunatapish chashnallatajmi rurarcangui. Paicuna jatun tucushpa israelcunata yallitaj llaquichishcamantami chashna rurarcangui. Cunan punllapi ricuchij shinallatajmi chai punllapipish quiquinpaj shutitaca jatun cashcata ricuchishcangui.

JOB 15:25

Paillatajmi Taita Diostaca maquita alzarca. Paillatajmi Tucuita Rurai Tucuj Diostaca, jatun tucushpa c'ariyarca.

JOB 15:26

Paica cungata alzashpami, Diosta llaquichinaman callparca. Manchanayaj escudocunahuan jarcarishpa, espada aisashcami callparca.

JOB 21:15

Tucuita Rurai Tucuj Diosca ¿pi cajpitaj paitaca servishunri? ¿Paita mañashpaca imatataj japishunri? nincunami.

SALMOS 10:4

Uma alzashca millai runaca, Diostaca mana mashcanchu. Paipaj yuyaipica Diosca manataj tiyashcatami yuyan.

SALMOS 12:4

Chaicunaca: “Ñucanchij c'alluhuan rimashpaca mishashunllami. Ñucanchij shimica ñucanchijpajmi ¿pitaj ñucanchijta mandajca?” nincunami.

SALMOS 12:5

Mandaj Diosca cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini. Llaquimanta llujshichihuai nishpa shungu llujshishpa mañashcamantaca quishpichishami” ninmi.

SALMOS 14:1

Rumi shungu runaca paipaj shungupica: “Diosca mana tiyashcatami” yuyan. Tucuicuna yallitaj millai tucushpami millananacunata rurancuna. Allita rurajca pi mana tiyanchu.

ÉXODO 3:19

Egiptota jatun mandaj cancuna richun mana saquina cashcataca yachanimi. Ashtahuanpish sinchi maquihuan llaquichijpimi saquinga.

ÉXODO 7:17

Mandaj Diosca: Mandaj Diostaj ñuca cashcataca caita ricushpami rijsingui ninmi: Chaimanta cunan ñuca maquipi charicun caspihuan jatun yacupi huajtajpica, chai yacuca yahuarmi tucunga.

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

JEREMÍAS 42:13

Ashtahuanpish mana cai llajtapi causashun nishpa, Mandaj Dios mandashcatapish mana cazushpa,

JEREMÍAS 48:26

Moab llajta runacunaca, Mandaj Diostamari jatun tucushpa c'ariyashcacuna. Machashpa shungu tigrashca jahuallapitaj singuchun machachichigari. Paicunatapish shungu tigrashcata shina, tucuicuna millashpa asishca cachun.

DANIEL 3:15

Cunanca bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashca uyarijpica, ¿ñuca shayachishca curimanta rurashca imamanpish rijchajta cungurishpa adoranallachu canguichij? Mana chaita adorajpica, chai ratollatajmi nina lunyacuj hornopi shitashca canguichij. Ñuca maquimantaca ima dios mana quishpichingachu– nircami.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.

1 SAMUEL 25:10

Nabalca David cachashca mosocunataca: –¿Pitaj Davidca? ¿Pitaj Isaipaj churica? Cunan punllacunaca achcacunami amopajta rurajcunaca paicunapaj amocunata miticushpa puricuncuna.