ÉXODO 5:12 - Dios Rimashca Shimicunami

¹² Shina nijpica israelcunaca tucui Egipto llajtata rishpami, ladrillocunata rurana ujshapaj randica rastrojocunata tandanaman rircacuna.

ÉXODO 5:12 Iomraidhean Croise

ÉXODO 15:7

Canta p'iñashpa jatarijcunataca, tucuita rurai tucuj cashcahuanmi urmachishcangui. Canca jatunta p'iñarishpami, p'angacunata shinalla chingachishcangui.

ÉXODO 5:11

cunanca cancunallatajmi maipi ujsha tiyanman rishpa japimugrina canguichij. Ashtahuanpish ladrillocunataca ñaupaman mashnata ruraj cashca shinallatatajmi rurana canguichij ninmi– nircacuna.

ÉXODO 5:13

Mirga mirgapi ch'icanchishcacunata mandajcunaca: “Shujtajcuna ujshata cucujpi cada punlla mashna ladrillocunata ruraj cashca shinallatatajmi rurana canguichij” nircacunami.

ISAÍAS 47:14

Riqui, paicunaca t'amo shinallami cangacuna. Ninami rupachinga. Lunyacuj ninamantaca paicunaca mana quishpiri tucungacunachu. Nina brazusllapish mana saquiringachu. Tiyarishpa cunungapajllapish, mana unillatapish rupangachu.

ISAÍAS 5:24

Nina lunyacuj c'allucunami rastrojo ujshata shina tucuchinga. Ujshata nina tucuchij shinami tucuchinga. Chashnami sapi ismushca yura shina chingaringa. Paicuna sumaj sisacuna shina cashcapish ñutu allpa shinami chingaringa. Tucuita Mandaj Diospaj mandashcata yanganchishcamantami chashna tucunga. Israelcunapaj jucha illaj Diospaj shimita millashcamantami chashna tucunga.

JOEL 2:5

Paicunaca macanacuna carretacuna c'ulun nishpa puricuj shinami, urcu jahuacunapica saltangacuna. Chaquishca p'angacuna ninapi rupacuj shinami uyaringa. Paica, jatun macanacuiman rinalla, c'ari c'ari soldadocuna shinami canga.

ABDÍAS 1:18

Jacobpaj huahua huahuacunaca, nina shinami canga. Josepaj huahua huahuacunaca, lunyacuj nina shinami canga. Esaupaj huahua huahuacunaca, chai ninapi rupashpa chingarijlla supas shinami canga. Esaupaj huahua huahuacunamantaca, shujllapish mana quishpiringachu” ninmi Mandaj Diosca.

NAHUM 1:10

Ahuarishpa huiñashca cashacuna shina cajpipish, yuyai chingarijta machashca shina cajpipish, chaquishca p'angata ninapi tucui rupachij shinami tucuicunata rupachinga.

1 Corintios 3:12

Chai callarichishca jahuapica maijanpish curihuan, cullquihuan, sumaj rumicunahuan, mana cashpaca caspihuan, ujshahuan, p'angacunahuan huasichingachari.