ÉXODO 5:10 - Dios Rimashca Shimicunami

¹⁰ Chaimi mirga mirgapi ch'icanchishcacunata mandajcunapish, paicunata mandajcunapish israelcunapajman rishpaca: –Faraonca cashnami nin: Ujshataca ña mana cugrinichu,

ÉXODO 5:10 Iomraidhean Croise

ÉXODO 1:11

Chashna nishpaca, israelcunata yallitaj llaquichishpa trabajachichunmi millai mandajcunata churarcacuna. Chaicunaca Pitón, Ramesés pueblocunatami faraonpaj imallacunata huaquichinapaj cachun shayachichishpa trabajachircacuna.

ÉXODO 3:7

Chai q'uipaca Mandaj Diosca: –Ñuca agllashcacuna Egipto llajtapi ima shina llaquita apacujtaca ñucatajmi ricuni. Paicunata llaquichijcuna llaquichicujpi paicuna caparishcataca uyanimi. Paicuna llaquita apacujtaca ñuca ñahuihuantajmi ricuni.

ÉXODO 5:11

cunanca cancunallatajmi maipi ujsha tiyanman rishpa japimugrina canguichij. Ashtahuanpish ladrillocunataca ñaupaman mashnata ruraj cashca shinallatatajmi rurana canguichij ninmi– nircacuna.

ÉXODO 5:6

Chai punllallatajmi faraonca mirga mirgapi ch'icanchishcacunata mandajcunatapish, paicunata mandajcunatapish cashna mandarca:

ÉXODO 5:9

Llullashpa purijcuna umashcata uyangapaj ama tiempota charichunca paicunamanca ashtahuan sinchi trabajocunata cuichij– nircami.

PROVERBIOS 29:12

Mandajllataj llulla huillashcata chasquijpica, tucui paita servijcunami Diosta mana manchangacuna.

ISAÍAS 30:6

Neguevpi tiyaj animalcunamanta Mandaj Dios huillashcami: Jatun llaqui, manchanana maimantami c'ari león, huarmi león llujshin, víbora culebra, alasyuj culebra llujshin llajtatami cancuna imalla charishcacunataca burrocunaman apachishpa apanguichij. Tucui sumaj charinacunatapish camellocunaman apachishpami apanguichij. Ima allitapish cancunapaj mana ruraipaj cajcunapajmi chashna apanguichij ninmi.