ÉXODO 5:1 - Dios Rimashca Shimicunami

¹ Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 5:1 Iomraidhean Croise

1 REYES 21:20

Acabca Eliastaca: –Ñucata p'iñaj runamari ñucata caipi japinaman shamushcangui– nijpimi Eliasca: –C'aturij shina Mandaj Diospaj ñaupajpi millaita ruracujpimari canhuan tupaj shamuni.

SALMOS 119:46

Ima shina causachun quiquin yachachishcataca, jatun mandajcunapaj ñaupajpimi huillasha. Ñucaca manataj pingarishachu.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ÉXODO 10:4

Can mana cazushpa, paicuna richun mana saquijpica cambaj llajtamanca cayatajmi langostacunata ñuca apamujpi,

ÉXODO 10:9

Shina nijpi Moisesca: –Ñucanchij Mandaj Diospaj jatun fiestapi alabana cashcamantaca ñucanchijca ñucanchij huahuacunandij, ñucanchij yuyaj yayacunandij, ñucanchij churicunandij, ñucanchij ushushicunandij, ñucanchij ovejacunandij, ñucanchij vacacunandijmi rina canchij– nircami.

ÉXODO 3:18

Paicunaca can nishcatami uyanga. Egiptota jatun mandajpajmanca canpish cunaj yuyajcunapish rishpaca: Hebreocunapaj Mandaj Diosmi ñucanchijhuan tuparca. Chaimantami caimantaca quimsa punllata shitashca pambata rishpa, ñucanchijta Mandaj Diosman animalcunata cushpa huañuchigrishun ninchij ninguichij nircami.

ÉXODO 33:13

Ñuca cambaj ñahuipi allitaj ricurishca cajpica, can ima shina cashcata ñuca alli rijsishpa ñucapish canpi shunguta churashpa ashtahuan cambaj munaita rurangapaj cambaj ñanta ricuchichunmi rogani. Cai israelcunaca can agllashcacunamari– nircami.

ÉXODO 4:23

Ña nishca shinaca ñucapajta rurachun ñuca churi richun saqui ninmi. Ashtahuanpish paicuna richun mana saquijpica ñucaca cambaj punta churitami huañuchisha ninmi ningui– nircami.

ÉXODO 6:11

–Egiptota jatun mandaj faraonpajman yaicushpa, cambaj llajtamanta israelcuna richun saqui nigri– nirca.

ÉXODO 6:27

Chai Moisesmi, chai Aaronmi Egipto llajtamanta israelcunata llujshichingapajca, chai llajtata jatun mandaj faraonhuan rimarcacuna.

ÉXODO 7:16

paitaca: Mandaj Dios hebreocunapaj Taita Diosmi ñucataca cambajman cashna nichun cachan: Ñuca agllashcacuna shitashca pambapi ñucapajta ruranaman richun saqui. Ashtahuanpish canca cunancama manamari uyanguichu.

ÉXODO 7:2

Tucui imalla ñuca mandashcataca Aaronmanca canmi huillangui. Israelcunata paipaj llajtamanta richun saquichunca cambaj huauqui Aaronmi faraonhuanca rimanga.

ÉXODO 8:1

Chaimi Mandaj Diosca, Moisestaca: –Faraonpaj ñaupajman yaicushpa: “Mandaj Diosca cashnami nin ni: Ñuca agllashcacunata ñucapajta ruranaman richun saqui.

ÉXODO 8:16

Chaimi Mandaj Diosca Moisestaca: –Aarontaca: Tucui Egipto llajtapi caj ñutu allpa pilis tucuchun, cambaj caspita chutashpa ñutu allpata huajtai ni– nirca.

ÉXODO 8:17

Paicunaca chashnami rurarca. Aarón, paipaj caspita japishpa maquita chutashpa, ñutu allpata huajtajpica, Egipto llajtapi caj tucui ñutu allpa piliscuna tucushpami gentecunapi, animalcunapi jundarirca.

ÉXODO 8:20

Mandaj Diosca Moisestaca: –Caya tutamanta utcata jatarishpa faraón jatun yacuman llujshijpica, paipaj ñaupajpi shayarishpa: Mandaj Diosca cashnami nin: Ñuca agllashcacunataca, ñucapajta ruranaman richun saqui.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

ÉXODO 9:1

Mandaj Diosca Moisestaca: –Faraonpajman yaicushpaca: “Mandaj Dios hebreocunapaj Diosca cashnami nin: Ñuca agllashcacunataca ñucapajta rurachun saqui ninmi.

ÉXODO 9:2

Paicuna richun mana saquishpa paicunata can charicujllapica,

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

EZEQUIEL 2:6

Huañujlla aichayuj runalla, canca paicunataca ama manchangui, paicuna rimajpipish ama mancharingui. Zarza casha yuracuna chaupipi cashpapish, casha chaupipi cashpapish, escorpioncunapaj chaupipi causashpapish ama manchanguichu. Paicuna rimajpipish, paicunata ricushpapish ama mancharingui. Paicunaca mana cazujcunami.

Mateo 10:18

Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca apashca canguichij. Jatun mandajcunamanpish mana israelcunamanpish ñucamanta huillachunmi chashna apashca canguichij.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Hechos 4:29

Jatun Dioslla cunanca paicuna manchachishun yuyashpa jarcashcata ricuhuai. Ñucanchij cambajta rurajcunataca, canmanta huillangapaj imatapish mana manchana yuyaita cuhuai.

1 Corintios 5:8

Chashna cashcamanta fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij.