ÉXODO 40:9 - Dios Rimashca Shimicunami

⁹ Diospajlla ch'icanchina aceiteta japishpa Diospaj carpa huasitapish, chaipi tucui imalla cajtapish, chai huasipi imallata ruranacunandij chai aceitehuan Diospajlla cachun ch'icanchingui. Chashnami ñucapajllata ruranapaj canga.

ÉXODO 40:9 Iomraidhean Croise

SALMOS 45:7

Quiquinca cashcata ruranatami c'uyangui. Millaita ruranataca p'iñanguimi. Chaimi Taita Diosca quiquintaca agllarca. Quiquinpaj Taita Diosca cushichina aceitehuan churashpami agllarca. Quiquinhuan alli apanacujcunamanta yallipimi churarca.

ÉXODO 37:29

Diospajlla cachun ch'icanchina aceitetapish, mishquijllata ashnaj ashtahuan alli inciensotapishmi rurarca. Chaitaca mishquijllata ashnaj jambicunata ruranata yachaj rurashcatapish yalli mishquijllaman ashnacujtami rurarca.

ÉXODO 39:39

bronce altar, chai altarpi churana bronce parrilla, chai altarta huanduna caspicuna, chaipi imallata ruranapaj cajcuna, yacupaj tanque, chai tanqueta tiyachina basa,

ÉXODO 40:8

Diospaj carpa huasi canlla muyundijta caspicunata shayachishpa cortinahuan jarcachingui. Chai huasi canllaman yaicuna pungupipish cortinahuan jarcachingui.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

EZEQUIEL 28:14

Canca cuidaj jatun querubinmi carcangui. Chaimantami cantaca ñucallataj ñucapajlla urcu jahuapi churarcani, chaipimi shayarircangui. Canca nina lunyacuj rumicuna jahuatami purij carcangui.

LEVÍTICO 8:10

Chai q'uipaca Moisesca, Mandaj Diospajlla cachun ch'icanchina aceiteta japishpami carpa huasitapish, chaipi imalla tiyajcunatapish tucuita chai aceitehuan churashpa Diospajlla cachun ch'icanchirca.

NÚMEROS 7:1

Moisesca Diospaj carpa huasita ña shayachishpaca, carpa huasitapish, chaipi Diospajta ruranapaj imalla charinacunatapish aceitehuan churashpami Diospajlla cachun ch'icanchirca. Altartapish, chaipi Diospajta ruranapaj imalla charinacunatapish aceitehuan churashpallatajmi Diospajlla cachun ch'icanchirca.

Mateo 3:16

Jesusca ña paita bautizajpi yacumanta llujshishcahuanmi, jahua pacha pascarijpi Taita Diospaj Espirituca paloma shina shamushpa paipaj jahuapi tiyarijta ricurca.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

2 Corintios 1:22

paipajta rurashpa sellarca. Japina cashcata ricuchij cachunmi, ñucanchij shungupi paipaj Espirituta churarca.

2 Corintios 1:4

Paimi tucui ñucanchij llaquicunapipish cushichin. Shujtajcuna ima llaquipi cajpipish, Dios ñucanchijta cushichishca shinallataj cushichichunmi, ñucanchijtaca chashna cushichin.

Hebreos 9:21

Chaita rurashca q'uipaca Diospaj carpa huasitapish, Diospajta rurana tucui vasocunatapishmi yahuarhuan tsirapashca.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.