ÉXODO 40:7 - Dios Rimashca Shimicunami

⁷ Dioshuan tupanacuna carpa huasihuan, altarhuan chaupipi tanqueta churashpa yacuta jundachingui.

ÉXODO 40:7 Iomraidhean Croise

SALMOS 26:6

Ima mana allita mana rurashcapimi ñuca maquita maillani. Mandaj Dioslla chashna cashpami quiquinpaj altar muyundijpi purisha.

ÉXODO 38:8

Maillarinapaj yacuta churana tanquetapish chai tanqueta tiyachina basatapish broncemantami rurarca. Diospaj carpa huasi pungupi Diospajta ruraj huarmicunapaj bronce espejocunamantami chaicunataca rurarca.

ÉXODO 40:6

Diosman cushpa tucui rupachina altartaca, Dioshuan tupangapaj carpa huasiman yaicuna pungu ñaupajpi churangui.

ÉXODO 40:8

Diospaj carpa huasi canlla muyundijta caspicunata shayachishpa cortinahuan jarcachingui. Chai huasi canllaman yaicuna pungupipish cortinahuan jarcachingui.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.