ÉXODO 40:3 - Dios Rimashca Shimicunami

³ Dioshuan ari ninacushca quillcata huaquichina arcata chai ucupi churashpa chai ucutaca linsohuan jarcachingui.

ÉXODO 40:3 Iomraidhean Croise

1 CRÓNICAS 17:5

Egiptomanta israelcunata llujshichimui punllamanta cunan punllacamaca, huasicunapica mana causamushcanichu. Ashtahuanpish carpa huasicunallapimi shuj tucurijpica shujpi, chai tucurijpipish shujtajpi causarcani, llajtacunapipish caipi chaipimi causarcani.

ÉXODO 25:10

Acacia caspimanta shuj arcata rurangui. Chai arcataca sunimanca shuj metro chunga ishqui chaupi centimetrota, anchomanca sujta chunga canchis chaupi centimetrota, altomanca sujta chunga canchis chaupi centimetrota rurangui.

ÉXODO 25:22

Chai arcamanta canman ricurishpami, arcapaj propiciatorio jahuamanta canhuan rimasha. Israelcunata tucui ñuca imalla mandashcataca ñucahuan ari ninacushcata ricuchij quillcata huaquichina arca jahuapi caj ishqui querubincunapaj chaupimanta arcapaj propiciatorio jahuallamantatajmi canman huillasha” nircami.

ÉXODO 26:31

Jarcachina shuj linsotapish azul, morado, amsa puca puchcacunahuan, caupushca lino puchcahuan querubincunayujta bordashpa ahuangui.

ÉXODO 31:7

Dioshuan tupanacuna carpa huasitapish, ñucahuan ari ninacushcata ricuchij quillcata huaquichina arcatapish, chai arca jahuapi caj propiciatoriotapish, Diospaj carpa huasipi tucui imallata ruranacunatapish,

ÉXODO 35:12

Dioshuan ari ninacushca quillcata huaquichina arcata, huanduna caspicunata, chai arcapaj propiciatoriota, ch'icanchishca ucupaj cortinacunata,

ÉXODO 35:4

Moisesca tandanacushca tucui israelcunataca cashnami nirca: “Caimi Mandaj Dios mandashcaca:

ÉXODO 39:32

Chashnami Diospaj carpa huasita shayachinapajca tucuita rurarcacuna. Dioshuan tupanacuna carpa huasita shayachinapajca Mandaj Dios Moisesta mandashca shinallatajmi israelcunaca tucuita rurarcacuna.

LEVÍTICO 16:14

Chai q'uipaca Aaronca, huagrapaj yahuarta paipaj dedohuan japishpa propiciatorio jahuataca inti llujshin ladollata tsirapachun. Propiciatorio ñaupaj ladotapish chai yahuarllahuantaj paipaj dedohuan canchis cutin tsirapachun.

NÚMEROS 4:5

Israelcuna causacushcamanta shujtaj ladoman rina tucujpica, Aaronhuan, paipaj churicunahuan shamushpa, Diospaj carpa huasita jarcachishca linsota pascashpa, chaihuanca Dioshuan ari ninacushca quillcata huaquichina arcata pilluchichun.

Hebreos 9:3

Chai ucullapitaj linsohuan jarcachishca caishuj ucuca Diospajlla ashtahuan ch'icanchishca ucu nishcami carca.

Apocalipsis 11:19

Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.