ÉXODO 40:16 - Dios Rimashca Shimicunami

¹⁶ Moisesca Mandaj Dios mandashca shinatajmi tucuita rurarca.

ÉXODO 40:16 Iomraidhean Croise

GÉNESIS 6:22

Noeca, chashnatajmi rurarca. Taita Dios mandashca shinami tucuita rurarca.

ÉXODO 40:15

Paicunatapish paicunapaj yayata ima shinami Diospajlla ch'icanchina aceitehuan ch'icanchircangui chai shinallataj Diospajlla cachun ch'icanchina aceitehuan paicunatapish ch'icanchijpimi, Diospajllata ruraj curacuna canga. Chai aceitehuan paicunata Diospajlla cachun ch'icanchishcaca paicunapaj huahua huahuacunapish huashan huashan curacuna canapajmi” nircami.

ÉXODO 7:6

Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

JEREMÍAS 13:5

Chashna nijpica Mandaj Dios nishca shinallataj Éufrates yacu c'uchuman rishpami, rumi c'aca jutcupi pacamurcani.

LEVÍTICO 8:13

Chai q'uipaca Moisesca Aaronpaj churicunatapish c'uchuyachishpami, tunicacunata churachishpa chumbillinahuan chumbillichishpa umapi churachishca tiaratapish sinchita chutashpa huatarca. Mandaj Dios Moisesta mandashca shinallatajmi rurarca.

LEVÍTICO 8:21

Chunllullicunatapish, changa aichacunatapish tucui maillashca q'uipami, Moisesca chai carnerotaca tucuita altar jahuapi rupachirca. Mandaj Dios ima shinalla Moisesta mandashca shina Mandaj Diosman tucuita cushpa rupachishcaca, paipaj mishquijllata ashnacuj cachunmi chashna rurarca.

LEVÍTICO 8:9

Mitratapish paipaj umapi churachishpaca, mitra ñaupaj ladopica, uchilla curi latatami churarca. Chaica Mandaj Diospajlla ch'icanchishca cashcata ricuchij diademami. Chaitaca, Mandaj Dios Moisesta mandashca shinallatajmi rurarca.

NÚMEROS 1:19

Moisesca Mandaj Dios mandashca shinallatajmi, Sinaí shuti shitashca pambapica yuparca.

NÚMEROS 9:22

Diospaj carpa huasi jahuapi caj p'uyu ishqui punllata chaipi cajpica chaitami chaipi cajcuna carca. Shuj quillata, mana cashpaca shuj huatata chai jahuapi cajpica, israelcunapish mana maiman rishpa chaillapitaj causacujllacunami carca. P'uyu ña rijpica, paicunapish rijllacunami carca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

1 Corintios 4:2

Maijanmanpish imata rurachun mingashcataca, allita rurashpa pajtachij cashcatami ricusha nin.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 4:1

Cunanca tucui israelcuna caita uyaichij: Chaitataj pajtachichun nishcacunata, pajtachinguitaj nishcacunataca cancuna chaitataj pajtachishpa causachunmi yachachircani. Cunanca cancunapaj ñaupa yayacunaman Mandaj Dios cushca llajtaman ña yaicushpaca chashna pajtachishpallami chaipica causanguichij.

Hebreos 3:2

Diospaj huasiucupurapi Moisés tucuita pajtachij cashca shinallatajmi, Jesuspish Dios imallata rurachun nishcataca tucuita pajtachirca.

Hebreos 3:5

Moisesca Diospajta ruraj cashpami, Diospaj huasi ucupi imalla rurana cashcataca tucuita alli pajtachijtaj carca. Paica q'uipata Dios imallata rimana cashcata ricuchingapajmi chashna rurarca.