ÉXODO 40:10 - Dios Rimashca Shimicunami

¹⁰ Diosman cushpa tucui rupachina altartapish, chaipi tucui imallata ruranacunatapish Diospajlla cachun ch'icanchina aceitehuan Diospajllata rurangui. Chashna rurajpimi chaicunaca ñucapajllata ruranapaj canga.

ÉXODO 40:10 Iomraidhean Croise

ÉXODO 30:29

Chashna ñucapajllata rurajpimi tucui chaicunaca ñucapajlla ch'icanchishca canga. Chaicunapi ima tuparishpapish ñucapajllami tucunga.

ÉXODO 40:11

Tanquetapish, tanqueta tiyachina basatapish Diospajlla cachun ch'icanchina aceitehuan Diospajlla cachun ch'icanchingui.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

LEVÍTICO 6:17

Chaitaca levadurahuanca ama cusachun. Ñucaman rupachishpa cushcacunataca curacuna japina cashcamanta curacunaman cushcami. Chaicunaca ñucapajlla ch'icanchishcami. Juchamanta cushpa rupachishcapish pandarishpalla juchallishcamanta cushpa rupachishcapish chai shinallatajmi.

LEVÍTICO 8:11

Chai aceitehuanca altar jahuatapish canchis cutinmi tsiraparca. Chashnami altartapish chaipi tucui imallata ruranacunandij Diospajlla cachun ch'icanchirca. Tanquetapish, tanqueta tiyachina basatapish chashnallatajmi Diospajlla cachun ch'icanchirca.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Juan 17:19

Paicunapish cambaj manataj llullapi shujlla tucuchunmi, ñucallataj canman curini.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.