ÉXODO 4:27 - Dios Rimashca Shimicunami

²⁷ Mandaj Diosca Aarontaca: “Shitashca pambapi Moiseshuan tupanaman ri” nijpi Aarón rishpaca, Taita Diospaj urcupi Moiseshuan tupashpami paita mucharca.

ÉXODO 4:27 Iomraidhean Croise

GÉNESIS 29:11

Chai q'uipaca Jacobca Raquelta muchashpami huacarca.

1 REYES 19:8

Shina nijpi jatarishpaca micurcami, yacutapish ubyarcami. Chai micunata micushpaca fuerzayuj tucushpami, chuscu chunga punllacunata, chuscu chunga tutacunata purishpa Diospajlla caj Horeb urcuman chayarca.

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

ÉXODO 18:5

Moisespaj suegro Jetroca Moisespaj ishqui churicunandij Moisespaj huarmindij pushashpami, Moisés maipi carpa huasita shayachishpa tiyacun Taita Diospaj urcu c'uchupi caj shitashca pambaman chayashpaca,

ÉXODO 18:7

Moisés paipaj suegrota tupanaman llujshishpaca, paipaj ñaupajpi cumurishpa muchashpami, caishuj chaishuj allillachu cangui ninacushpaca, carpa huasiman yaicurcacuna.

ÉXODO 19:3

Moisés Taita Dioshuan tupangapaj Sinaí urcuman huichiyajpica, Mandaj Diosca chai urcumanta cayashpami: –Jacobpaj huahua huahuacunaman cashna ni. Israelcunamanca caita huillai:

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ÉXODO 24:13

Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 4:26

Chashna rurajpimi Mandaj Diosca, Moisestaca Egiptoman richun saquirca. Séfora huarmica circuncisionta rurashcamanta cunanca ñuca quiquin “yahuar cusami cangui” nircami.

ECLESIASTÉS 4:9

Shujlla causanapaj randica, ishqui causanami ashtahuan alli. Ishqui cashpami trabajashpapish, alli pagota japincuna.

Hechos 10:20

Jatari, uriyai, paicunahuan rilla. Rishachu, manachu risha nishpaca ama yuyanguichu. Ñucami paicunataca caiman cachachun nircani” nircami.