ÉXODO 4:21 - Dios Rimashca Shimicunami

²¹ Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 4:21 Iomraidhean Croise

GÉNESIS 6:3

Chaimi Mandaj Diosca: “Ñuca espirituhuan causashpa huiñaipaj millaita ruracuchunllaca mana saquigrinichu. Paicunaca huañujlla aichayujmi. Chaimanta cunanmantaca, 120 huatayujcamallami causangacuna” nirca.

1 REYES 22:22

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

SALMOS 105:25

Chai llajtapi causajcunapaj shungupica pai agllashcacunata p'iñana yuyaitami churarca. Paipajta rurajcunata llaquichinata yuyarichunmi chashna yuyaita churarca.

SALMOS 78:43

Milagrocunata Egiptopi rurashcacunatapish mana yuyarircacunachu. Mancharinacunata Zoanpi rurashcacunatapish mana yuyarircacunachu.

ÉXODO 10:1

Mandaj Diosca Moisestaca: –Faraonpajmanca cutinllataj rilla. Ñucallatajmi paitapish, paipajta rurajcunatapish rumi shunguta rurarcani. Ñucaca imatapish rurai tucuj cashcata paicunallamantaj ricuchingapajmi chashna rurarcani.

ÉXODO 10:20

Mandaj Diosllataj faraonpaj shunguta rumi shunguta rurajpimi, paica israelcuna richunca mana saquirca.

ÉXODO 10:27

Mandaj Dios faraonpaj shunguta rumi shunguta rurajpimi, israelcuna richunca mana saquishpa,

ÉXODO 11:10

Moiseshuan Aaronhuanca, tucui cai milagrocunata faraonpaj ñaupajpi rurajpipish Mandaj Diosllataj faraonpaj shunguta rumi shunguta rurashcamantami, israelcunataca chai llajtamanta llujshichunca manataj saquirca.

ÉXODO 11:9

Cutinpish Mandaj Diosca Moisestaca: –Egipto llajtapi mancharinacunata ñuca ashtahuan rurachunmi faraonca cancuna nishcataca manaraj uyanga– nircami.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 3:19

Egiptota jatun mandaj cancuna richun mana saquina cashcataca yachanimi. Ashtahuanpish sinchi maquihuan llaquichijpimi saquinga.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 7:13

Ashtahuanpish faraonpaj shunguca Mandaj Dios nishca shinallataj rumi tucushpami mana uyasha nirca.

ÉXODO 7:3

Ashtahuanpish faraonpaj shungutaca ñucami sinchiyachisha. Ñucallatajmi Egiptopica, milagrocunatapish, jatun mancharinacunatapish ashtahuan mirachisha.

ÉXODO 8:11

Sapocunaca canmantapish, cambaj huasicunamantapish, cambajta rurajcunamantapish, can mandacun gentecunamantapish anchushpami jatun yacucunallapi saquiringa– nircami.

ÉXODO 8:15

Ashtahuanpish faraonca ña ima llaquicuna illajpica, Mandaj Dios nishca shinallataj rumi shungu tucushpami mana uyarca.

ÉXODO 8:32

Faraonca cai cutinhuanpish rumi shungu tucushpami israelcuna richunca mana saquirca.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

ÉXODO 9:35

Mandaj Dios Moisesman nishca shinallatajmi, faraonca rumi shungu tucushpa israelcunataca mana cacharisha nirca.

ISAÍAS 6:10

Paicunapaj shungutapish rumiyachi. Rinrintapish mana uyajta rurai. Ñahuitapish mana ricujta rurai. Ñahuihuanpish ama ricuchun, rinrinhuanpish ama uyachun, shunguhuanpish ama entendichun, ñuca ama alliyachichun ñucaman ama cutirichun chashna rurai” nircami.

ISAÍAS 63:17

Mandaj Dioslla, ¿ima nishpataj quiquinpaj ñanmanta anchurichun saquircanguiyari? ¿Imamantataj canta ama cazuchun ñucanchij shunguta sinchiyachircanguiyari? Ñucanchijca cambajta rurajcunamari canchij. Can cushca allpacunapi causaj aillucunamari canchij. Ñucanchijta llaquishpa ña alli tucupayari.

Juan 12:40

Taita Diosllatajmi “Paicunapaj ñahuitaca, mana ricujta rurarca. Shungutapish sinchiyachirca. Ñahuihuanca ama ricuchun, shunguhuanca ama yuyarichun, ñuca jambichun, ñucapajman ama cutirichunmi chashna rurani nishca” pajtachunmi chashnaca tucurca.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 9:18

Chashna cashpami Diosca, maijanta llaquisha nishcataca llaquin, maijanpaj shunguta sinchiyachisha nishpaca sinchiyachin.

2 Corintios 2:16

Chingarinaman ricujcunataca chai ashnaica huañuiman chayachijmi, ashtahuanpish quishpichishcacunataca causaiman chayachijmi. Chashna cajpica ¿pitaj chai shinaca rurai tucungari?

DEUTERONOMIO 2:36

Arnón yacu huaicu c'uchupi caj Aroer pueblopi, pugru pambapi tiyaj pueblopi causajcunamanta callarishpa, Galaadpi causajcunacamaca ñucanchij maquimantaca shuj pueblollapish mana saquirircacunachu. Mandaj Dios, ñucanchij Taita Diosmi tucui chai pueblocunataca ñucanchijpaj cachun ñucanchij maquipi churarca.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

1 Pedro 2:8

Shinallataj: “Ñitcana rumimi, urmachij jatun rumipishmi” nishcami pajtashca. Paicunaca Diospaj shimita mana cazushcamantami ñitcancuna. ¡Paicuna mana cazushcamantami ñaupaman chashna tucuchun nishca!