ÉXODO 4:15 - Dios Rimashca Shimicunami

¹⁵ Paihuan rimangui. Ñuca imalla nishcacunatapish paiman yachachingui. Can rimanapipish, pai rimanapipish ñucami cancunahuan casha. Imalla rurana cashcatapish ñucami yachachisha.

ÉXODO 4:15 Iomraidhean Croise

2 SAMUEL 14:3

Chashna tucushpa jatun mandajpajman yaicushpa ricurigrichunmi rogani. Chaipica caicunata cashna ningui” nishpami Joabca chai huarmitaca jatun mandajpaj ñaupajpi imallata nina cashcataca cutin cutin yachachishpa cacharca.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 51:15

Jatun Dioslla, ñuca shimita pascahuai. Tucuicunapaj ñaupajpi quiquinta cantangapaj.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 4:12

Ashtahuanpish cunanca rilla. Ñucami cantaca rimachisha. Imallata rimanatapish ñucami yachachisha– nircami.

ÉXODO 4:28

Chaipimi Moisesca Aaronmanca, Mandaj Dios imallata nichun nishcacunatapish, imalla milagrocunata rurashpa ricuchichun nishcatapish tucuita huillarca.

ÉXODO 4:30

Chaipimi Aaronca, Mandaj Dios Moisesman imalla nishcacunata tucuita huillashpa, milagrocunatapish tucuicunapaj ñaupajpi rurashpa ricuchirca.

ISAÍAS 51:16

Ñuca shimicunataca cambaj shimipimi churarcani. Jahua pachata linsota chutaj shina rurashpami, ñuca maqui llanduhuan cantaca taparcani. Allpataca sinchita rurashpami Siontaca: “Canca ñuca agllashcami cangui” nircani.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

JEREMÍAS 1:9

Chashna nishpaca paipaj maquita chutashpami, Mandaj Diosca ñuca shimipi tupashpa cashna nirca: “Ñuca shimicunatami huillachun cambaj shimipi churani.

JEREMÍAS 36:32

Shina nijpimi Jeremiasca, shujtaj pillushca carata japishpa, Neriaspaj churi quillcaj Barucman curca. Chai carapimi Barucca, Judá llajtata jatun mandaj Joacim rupachishca carapi quillcashca shimicunallatataj Jeremías cutin huillajpi chashnallataj quillcarca. Chai quillcapicarin Jeremiasca, chai shinallataj ashtahuan llaquicuna tiyanata mirachishpa huillashpami quillcachirca.

NÚMEROS 16:28

Moisesca cashnami nirca: –Tucui caicunata Mandaj Dios cachajta ricushpami, tucui cai ruranacunataca mana ñuca munaimanta ruracushcata yachanguichij.

NÚMEROS 22:38

Chaimi Balaamca Balactaca: –Riqui, ñucaca ñami cambaj ñaupajman shamuni. Shina cashpapish ñuca quiquin yuyaillamantaca imata mana rimashachu. Ashtahuanpish Taita Dios imata rimachishcallatami rimasha– nirca.

NÚMEROS 23:12

Chaimi Balaamca Balactaca: –Mandaj Dios ñuca shimipi churashcallatami rimana cani– nirca.

NÚMEROS 23:16

Mandaj Diosca Balaamhuan tupashpaca, imalla rimanata Balaampaj shimipi churashpami: –Balac maipi cashcaman tigrashpa rishpa, ñuca imalla nishcata huillagri– nirca.

NÚMEROS 23:5

Shina nijpimi Mandaj Diosca Balaam imallata rimanata paipaj shimipi churashpaca: –Balac maipi canman tigrashpa rishpa, ñuca canman imallata nishcata huillai– nirca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

1 Corintios 11:23

Mandaj Jesusmanta ñuca chasquishcatami cancunamanpish yachachircani: Mandaj Jesusca, paita japichi tutallatajmi tandata japishpa,

1 Corintios 15:1

Cunanca huauquicuna, cancunaman alli huillaita ñuca huillashcatami yuyachisha nini. Chai huillashcataca chasquircanguichijmi. Chai huillashcapi nishca shinami sinchita caticunguichij.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.

DEUTERONOMIO 5:31

Canca caipi ñucahuan saquiri. Tucui mandashcacunata, chaitataj pajtachingui nishcacunata, pajtachichuntaj mandashcacunata canman cusha. Chaitaca paicunaman ñuca cushca llajtaman chayashpa, chai yuyailla tucushpa pajtachichun yachachingui nircami.

1 SAMUEL 16:3

Chaita cushpa rupachingapajca Isaitapish cayangui. Chaipimi can imata rurana cashcataca yachachisha. Maijantami ñuca ricuchini, chaita aceitehuan umapi churangui– nircami.