ÉXODO 4:13 - Dios Rimashca Shimicunami

¹³ Chaimi Moisesca: –¡Aij, Jatun Dioslla, ñucapaj randica shujtajta cachapailla!– nirca.

ÉXODO 4:13 Iomraidhean Croise

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 41:35

Alli granocunata p'ucucui huatacunapi tandashca granocunataca llajtacunapi causajcuna micunapaj cachun tucuita tandachishpa can faraonpaj maquipi churai.

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 4:12

Ashtahuanpish cunanca rilla. Ñucami cantaca rimachisha. Imallata rimanatapish ñucami yachachisha– nircami.

ÉXODO 4:14

Mandaj Dios Moiseshuan p'iñarishpaca: –¿Manachu ñucaca levitapura caj cambaj huauqui Aarontaca alli rimaj cajta rijsini? Paimi canta tupanaman llujshinga. Canta ricushpaca jatuntamari cushicunga.

JEREMÍAS 1:6

Shina nijpica, ñucaca cashnami nircani: “¡Mandaj Jatun Dioslla, ama chashna nihuaichu. Ñucaca alli rimanallatapish manaraj yachaj huambramari cani!” nircanimi.

JEREMÍAS 20:9

Ñucaca: “Mandaj Diostaca mana ashtahuan yuyarishpa, paimanta ña ama ashtahuan huillasha” yuyarcanipishmi. Shina cajpipish cambaj shimica ñuca shungupica, tullucama nina rupachij shinami tucurca. Ñuca shungullapi charisha yuyashpapish manataj upajlla saquiri tucurcanichu.

JONÁS 1:3

Shina nijpica Jonasca, Mandaj Diosmanta miticushpa Tarsis puebloman ringapajmi, barcota japingapaj Jope puebloman uriyarca. Chaiman chayashpaca, Tarsis puebloman ricuj barcopimi, paipaj pasajeta pagashpa yaicurca. Paica Mandaj Diospaj ñaupajmanta miticusha yuyashpami, Tarsis puebloman paicunahuan ricurca.

JONÁS 1:6

Chaita ricushpami, chai barcota purichijcunata mandajca paipajman rishpaca: –¿Ima nishpataj caipi dormicunguillari? Jatarishpa cambaj Diosta caparishpa mañai. Ima shinamanta ñucanchijta llaquishpa quishpichingapishchari– nirca.

Mateo 13:41

Runa Aichayujca pai mandacui punllacunapi ñitcachishpalla causajcunata, millaita rurachijcunataca paipaj angelcunata cachashpa tandachichishpami,

Juan 6:29

Jesusca: –Runa Aichayujtaca Taita Dios cachashca cashcata crinami. Chaimi Taita Diospajta ruranaca– nirca.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.