ÉXODO 4:10 - Dios Rimashca Shimicunami

¹⁰ Chaimi Moisesca, Mandaj Diostaca: –¡Aij, Jatun Dioslla! Cambajta ruraj ñucahuan quiquin manaraj rimajpipish cunanpish saruncunamanpish ñucaca manamari alli rimaj canichu. Ñucaca mana utca rimai tucuj imata rimangapajpish c'allu huataricujmari cani– nircami.

ÉXODO 4:10 Iomraidhean Croise

JOB 12:2

Cancunallami alli runacuna canguichij. Alli yachaipish cancuna huañujpica, ña illangami.

ÉXODO 3:11

Chaimi Moisesca Taita Diostaca: –Faraonpajman rishpa, israelcunata Egiptomanta llujshichimungapajca ñucaca ¿pitaj caniyari?– nirca.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 6:12

Chaimi Moisesca, Mandaj Diostaca: –Israelcunapish mana uyancunachu, faraoncarin maitataj uyangari. Ñucaca rimangapajpish c'allu huataricujmari cani– nirca.

ÉXODO 6:30

Shina nijpimi Moisesca: –Mandaj Dioslla, ñucaca rimangapajca c'allu huataricujmari cani. ¿Maitataj faraonca ñucataca uyahuangari?– nirca.

JEREMÍAS 1:6

Shina nijpica, ñucaca cashnami nircani: “¡Mandaj Jatun Dioslla, ama chashna nihuaichu. Ñucaca alli rimanallatapish manaraj yachaj huambramari cani!” nircanimi.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

Hechos 7:22

Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.

2 Corintios 10:10

Ñuca quillcashcacunataca, cashnami nincuna. Paica yallitajmi sinchita rimashpa quillcan. Paitaj caipi cashpaca, irqui shinami carca, pai rimashcapish pita mana cazuchipajmi carca nicun nijtami uyani.

2 Corintios 11:6

Ñucaca maipish cachun rimashpapish, yachaipica mana chashna canichu. Chaitaca ima shinapish tucuipi rurashcahuanmi, cancunamanca ricuchircanchij.