ÉXODO 39:7 - Dios Rimashca Shimicunami

⁷ Chaicunataca Mandaj Dios Moisesta mandashca shinallatajmi, Israelpaj churicunata yuyarinapaj cachun efod churana ishqui rigra jahuapi churarca.

ÉXODO 39:7 Iomraidhean Croise

NEHEMÍAS 2:20

Ashtahuanpish ñucaca: –Jahua pacha Diosmi ñucanchijtaca ayudanga. Paipajta ruraj ñucanchijca tucuicuna jatarishpa, cai pircacunataca cutin pircashunllami. Cancunaca cai Jerusalenpica, imata ninata, imata ruranata, Jerusalenpi imata yuyarinataca mana charinguichijchu– nircanimi.

ÉXODO 28:12

Chai rumicunataca israelcuna yuyarina cachun, efod churana ishqui lado rigra jahuapi sirashpa churangui. Aarón ñuca ñaupajpi cajpipish paipaj ishqui lado rigracunapi chai shuticunata ricushpami israelcunataca yuyarisha.

ÉXODO 28:29

Chashna cashpami Aaronca Yaya Israelpaj chunga ishqui churicunapaj shuticunata ñuca rurachun nicushcata mana rurachun nicushcata yachangapaj, tapuna rumicunata pectoralpi paipaj shungu jahuapi aparishca Diospajlla ch'icanchishca ucuman yaicunga. Tucui israelcunata Mandaj Dios yuyaricuchunllami chashna canga.

ÉXODO 28:7

Ishqui mirga linsocunahuanca, ishqui lado rigra jahuata churashpa huasha ladohuan ñaupaj ladohuan tandachinallata saquichun.

Marcos 14:9

Tucui cai pachapica, maipipish cai alli huillaita huillacushpaca, cai huarmi imata rurashcatapishmi huillangacuna. Chaipica, allitamari rurashca nishpami yuyaringacuna. Chashnatajmi canga– nircami.

JOSUÉ 4:7

cashna huillanguichij: Mandaj Dioshuan ari ninacushca quillcata huaquichina arcata apashca Jordán yacuta ch'imbacujpimari chai yacuca p'itirishpa chaquirirca ninguichij. Chai rumicunami caya mincha cancunapaj tucui huahua huahua israelcunapaj yuyarina canga” nircami.