ÉXODO 39:43 - Dios Rimashca Shimicunami

⁴³ Moisesca tucui chaicunataca, Mandaj Dios mandashca shinallataj sumajta rurashcatami ricurca. Chaimantami paicunataca allitami rurashcanguichij nirca.

ÉXODO 39:43 Iomraidhean Croise

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

GÉNESIS 14:19

Paimi Abramtaca: “Abram, cantaca jahua pacha Taita Dios alli nishca cachun. Jahua pachatapish, cai pachatapish ruraj Taita Dios alli nishca cachun.

2 SAMUEL 6:18

Davidca Diosman cushpa tucui rupachinatapish cushpa rupachishca q'uipa, sumaj causaimantapish Diosman cushca q'uipaca, tucui israelcunataca tucuita Mandaj Diospaj shutipimi alli cashca canguichijman nirca.

1 REYES 6:38

Chai huasitaca chunga shuj huatata mandacushpa Bul shuti pusaj quillapimi, imapajlla minishtirishca ucucunandij rurashpa tucuchirca. Chai huasitaca canchis huatapimi rurarca.

1 REYES 8:14

Shina nishpaca jatun mandajca, chaipi tandanacushca israelcunapajman muyurishpami Dios allicunata cuchun nirca. Tucui tandanacushca israelcunami chaipi shayacurcacuna.

1 REYES 8:55

shayarishpaca tucui chaipi tandanacushca israelcunaman Mandaj Dios allicunata cushca cachun nishpaca sinchita caparishpami:

1 CRÓNICAS 16:2

Davidca Diosman cushpa tucui rupachinatapish cushpa rupachishpa, Dioshuan alli cangapaj cushca q'uipaca, tucui israelcunataca tucuita Mandaj Diospaj shutipimi alli cashca canguichijman nirca.

2 CRÓNICAS 30:27

Chai q'uipaca curacunahuan, levitacunahuanca shayarishpa sinchita caparishpami, tucui chaipi cajcunata bendiciarcacuna. Paicuna mañashcataca, Taita Diosca pai causacun jahua pachamanta uyarcami.

2 CRÓNICAS 6:3

Shina nishpa jatun mandajca, chaipi tandanacushca israelcunapajman muyurishpami Taita Dios allicunata cuchun nirca. Tucui tandanacushca israelcunami chaipi shayacurcacuna.

NEHEMÍAS 11:2

Maijancunaca quiquin munaimanta Jerusalenpi causasha nijpimi, tucuicuna chaica allimi nircacuna.

SALMOS 104:31

Mandaj Dios quiquinpaj sumaj canaca huiñaipaj cachun. Mandaj Dios quiquinpaj rurashcacunapi cushicuyari.

SALMOS 19:11

Cambajta rurajca chai shimicunahuan cunashcapishmi cani. Chaicunata cazujpajca, sumaj japinami tiyan.

ÉXODO 12:28

Israelcunaca Moisesta, Aaronta Mandaj Dios ima shinalla mandashca shinami chaitataj tucuita rurarcacuna.

ÉXODO 25:9

Diospaj carpa huasitapish, chaipi tucui imalla tiyajcunatapish ima shinalla ruranata ñuca ricuchishca shinataj rurangui.

ÉXODO 39:42

Mandaj Dios Moisesta tucui imallata rurachun mandashca shinallatajmi israelcunaca tucuita rurarcacuna.

ÉXODO 40:1

Tucui chaicunata ña rurashpa tucuchishca q'uipami, Mandaj Diosca Moisestaca:

ÉXODO 40:25

Mandaj Dios mandashca shinallatajmi Moisesca, Mandaj Diospaj ñaupajpi caj lamparacunapica ninata japichirca.

ÉXODO 7:6

Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

JEREMÍAS 13:5

Chashna nijpica Mandaj Dios nishca shinallataj Éufrates yacu c'uchuman rishpami, rumi c'aca jutcupi pacamurcani.

LEVÍTICO 16:34

Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

JOSUÉ 22:6

Shina nishpa Josueca, Dios cancunahuan cachun nijpica, paicunaca paicunapaj carpa huasicunaman tigrarcallacunami.

JOSUÉ 22:7

Manasespaj chaupi aillumanca Moisesmi, Basán llajtapi allpacunata curca. Manasespajllataj caishuj chaupi aillumanca Josuemi, Jordán yacumanta inti huashicun ladoman allpacunata curca. Paicunatapish Josueca, Dios allicunata cuchun nishpa paicunapaj carpa huasicunaman tigrachishpa cachacushpaca,