ÉXODO 39:30 - Dios Rimashca Shimicunami

³⁰ Ashtahuan alli curimanta cintatajlla diadematami rurarca. Chaipica: MANDAJ DIOSCA JUCHA ILLAJMI nishcatami sellanapi quillcaj shina quillcarca.

ÉXODO 39:30 Iomraidhean Croise

Apocalipsis 5:10

Chashnami ñucanchij Dios mandana llajta cachun, paipajta ruraj curacuna cachun ñucanchijtaca rurashcangui. Chaimantami cai pachataca mandashun” nishpami cantarcacuna.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

ZACARÍAS 14:20

Chai punllapica, caballocunaca: “Jucha illaj Diospajmi” nishpa quillcashca campanacunatami aparishca cangacuna. Shinallataj Diospaj huasipi caj mangacunapish, altar c'uchupi tiyacuj tasacuna shinallatajmi canga.

ÉXODO 26:36

Diospaj carpa huasi pungupaj cortinaca azul, morado, amsa puca puchcacunahuan, caupushca lino puchcahuan sumajta bordashcacunayujta ahuanata yachajta ahuachingui.

ÉXODO 39:29

Chumbillinatapish Mandaj Dios Moisesta mandashca shinallatajmi caupushca linohuan, azul, morado, amsa puca puchcacunahuan sumajta bordashcacunayujta ahuanata yachajmi ahuarca.

ÉXODO 39:31

Mandaj Dios Moisesta mandashca shinallataj mitra jahuata pilluchishpa huatangapajmi chai diademapica azul huatuta churarca.