ÉXODO 38:8 - Dios Rimashca Shimicunami

⁸ Maillarinapaj yacuta churana tanquetapish chai tanqueta tiyachina basatapish broncemantami rurarca. Diospaj carpa huasi pungupi Diospajta ruraj huarmicunapaj bronce espejocunamantami chaicunataca rurarca.

ÉXODO 38:8 Iomraidhean Croise

1 REYES 7:38

Broncellatatajmi chunga tanquecunatapish rurarca. Chai tanquecunaca cada tanquemi chuscu chunga bato yacuta apaj carca. Chaicunaca altomanca, shuj metro pusaj chunga centimetrotami charirca. Chai tanquecunataca chunga carretacunapimi shuj shuj churarca.

2 CRÓNICAS 4:2

Shinallataj yacuta churangapajpish broncemanta shuj pailatami rurachirca. Chai pailaca anchomanca chuscu metro chaupimi carca, muyujta medijpica chunga quimsa metro chaupimi carca. Altomanca ishqui metro ishqui chunga pichca centimetromi carca.

SALMOS 26:6

Ima mana allita mana rurashcapimi ñuca maquita maillani. Mandaj Dioslla chashna cashpami quiquinpaj altar muyundijpi purisha.

ÉXODO 30:17

Mandaj Diosca Moisestaca cashnapishmi nirca:

ÉXODO 31:9

Mandaj Diosman cushpa tucui rupachina altartapish, chaipi tucui imalla ruranacunatapish, tanquetapish, tanqueta tiyachina basatapish,

ÉXODO 38:7

Chai suni caspicunataca altarta maimanpish apangapajmi, altar esquinacunapi churashca argollacunapi churachirca. Chai altarca tablacunamanta rurashcami carca. Ucu siquimanca tablacunata mana churashcami carca.

ÉXODO 40:7

Dioshuan tupanacuna carpa huasihuan, altarhuan chaupipi tanqueta churashpa yacuta jundachingui.

PROVERBIOS 8:34

Ñuca yachachishcata yachana munaihuantaj punllanta ñuca huasi pungu pilar huashapi shuyashpa chasquijca cushicunmi.

ISAÍAS 3:23

espejocunatapish, sumaj lino churanacunatapish, umapi churana linsocunatapish, umata huatarinacunatapishmi anchuchinga.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Mateo 26:69

Chaipica Pedro huasi canllapimi tiyacujpimi, shuj servij huarmi c'uchuyashpaca: –Canpish Galileamanta Jesushuanmi carcangui– nijpi,

Lucas 2:37

Paica pusaj chunga chuscu huatatami viuda causarca. Chai huarmica Diospaj huasimantaca manataj anchushpami, tutapish punllapish Diospajta rurashpa, ayunashpa, mañashpa causarca.

Juan 13:10

Chaimi Jesusca: –Maijanpish cunanlla armashca cashpaca, tucui chuya cashcamanta mana cutin armanchu, chaquicunallatami maillarin. Cancunaca mana tucuicuna chuya cashpapish, chuyayachishcami canguichij– nircami.

Juan 18:16

Pedroca huasi canllaman yaicuna pungu huashallapimi saquirirca. Chaipi cajpimi, curacunata mandajpaj rijsishca yachacujca cutin llujshishpa pungupi cuidacuj huarmihuan rimashpa Pedrotaca yaicuchirca.

1 Timoteo 5:5

Ashtahuanpish sapalla caj viudaca, tutapish, punllapish Diosta rogana, mañana yuyaillami causan.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

1 SAMUEL 2:22

Elica ña yuyajmi carca. Israelcunata paipaj churicuna imallata rurajtaca yacharcami. Dioshuan tupanacuna huasi pungupi imalla rurana cashcata ruraj huarmicunahuan paipaj churicuna dormij cashcatapish yachashpami,