ÉXODO 38:1 - Dios Rimashca Shimicunami

¹ Cushpa tucuita rupachina altartapish, acacia caspillatatajmi rurarca. Chai altarca sunimanca ishqui metro ishqui chunga pichca centímetro, anchomanpish ishqui metro ishqui chunga pichca centimetrollatajmi carca. Chuscundij ladomi chai medidallataj carca. Altomanca shuj metro chunga pichca centimetromi carca.

ÉXODO 38:1 Iomraidhean Croise

2 CRÓNICAS 1:5

Bronce altartaca, Hurpaj churi Uripaj churi Bezaleelmi rurashca carca. Chai altarpishmi Gabaonpi carca. Mandaj Diospaj carpa huasi ñaupajpimi tiyacurca. Diosta tapungapajmi Salomonca, tucui tandanacushcacunandij Gabaonman rirca.

2 CRÓNICAS 4:1

Salomonca, broncellamantatajmi shuj altarta rurachirca. Chai altarca largomanca, iscun metro, anchomanpish iscun metrollatajmi carca. Altomanca, chuscu metro chaupimi carca.

ÉXODO 25:5

pucajllata tinishca carnero carata, tejoncunapaj caracunata, acacia caspita,

ÉXODO 30:17

Mandaj Diosca Moisestaca cashnapishmi nirca:

ÉXODO 31:9

Mandaj Diosman cushpa tucui rupachina altartapish, chaipi tucui imalla ruranacunatapish, tanquetapish, tanqueta tiyachina basatapish,

ÉXODO 38:2

Altarpaj chuscu esquinacunapica, gachucunatami rurarca. Chai gachucunataca chuscutataj altarhuan shuj shinallata rurashpami chai altartaca tucuita broncehuan churarca.

ÉXODO 40:29

Diosman cushpa tucui rupachina altartaca Dioshuan tupanacuna carpa huasi ñaupajpimi churarca. Chai altarpimi Mandaj Dios Moisesta mandashca shinallataj Diosman cushpa tucui rupachinatapish, Diosman cuna cashcatapish cushpa rupachirca.

ÉXODO 40:6

Diosman cushpa tucui rupachina altartaca, Dioshuan tupangapaj carpa huasiman yaicuna pungu ñaupajpi churangui.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Romanos 12:1

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

Hebreos 13:10

Ñucanchijca shuj altartami charinchij. Chai altarmantaca Diospaj carpa huasillapitaj servijcunaca mana micui tucuncunachu.

Hebreos 13:8

Jesucristoca cainapish, cunanpish, huiñai huiñaipajpish paillatajmi.

Hebreos 3:1

Chaimanta jucha illaj huauquicuna, paipajlla cachun Dios cayashcacunami canguichij. Cristo Jesustaca apóstol, curacunata jatun pushaj, ñucanchij crishpa catina cashcata yuyaichij.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

Apocalipsis 21:16

Chai puebloca largomanpish anchomanpish altomanpish chuscundij ladocunami chai shinallataj carca. Charicushca varahuan angel midijpica, tucui ladocunami 2.200 kilometrocuna carca.