ÉXODO 37:9 - Dios Rimashca Shimicunami9 Chai querubincunataca arcapaj propiciatoriota urilla ricushpa cumulla ch'imbapura tiyacujtami rurarca. Paicunapaj alascunaca arcapaj propiciatoriota llandungapaj jahuata chutashcami carca. Faic an caibideil |
Paipaj jahuanijpica serafín nishca angelcunami carca. Chai angelcunaca cada shujmi sujta alascunata charirca. Ishqui alascunahuanca paicunapaj ñahuitami taparishca carca, caishuj ishqui alascunahuanca paicunapaj chaquitami taparishca carca. Cutin caishuj ishqui alascunahuanca jahuata volacujmi carca.
Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.
Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.