ÉXODO 36:2 - Dios Rimashca Shimicunami

² Moisesca Bezaleeltapish, Aholiabtapish, yachaisapa shunguyujcunataca tucui shujtajcunatapishmi cayarca. Chaimi Mandaj Dios yachaisapa shunguta churashcacunaca Diosllataj shamuna yuyaita cujpi tucuicuna chai trabajota rurangapaj shamurcacuna.

ÉXODO 36:2 Iomraidhean Croise

1 CRÓNICAS 28:21

Mirga mirga ch'icanchishca curacunapish, levitacunapish Diospaj huasiman huashan huashan shamushpa Diospajta rurangapajca cambaj maquipimi. Paicunaca tucui imata ruranapipish canhuanmi canga. Shinallataj tucui imatapish ruranata yachaj, alli yuyaiyujcunapish tiyanmi. Tucui mandajcunapish, tucui israelcunapish tucuicunami can mandashcata rurangacuna” nircami.

1 CRÓNICAS 29:5

Curihuan rurana cashcapajca curita, cullquihuan rurana cashcapajca cullquitami cuni. Chaicunahuanmi imatapish ruranata yachajcunaca sumajta rurangacuna. ¿Cancunamanta maijantaj cunan punllaca Mandaj Diospaj huasipaj shungumanta ofrendata cushun ninguichij?” nircami.

ÉXODO 25:2

“Israelcunataca: Ñucaman cujcunapajta tandachichij. Ñucaman cunata munashcamanta tucui shunguhuan cujcunapajta tandaichij.

ÉXODO 25:40

Ima shinalla ruranata Sinaí urcupi ñuca ricuchishca shinallataj tucuita rurangui.

ÉXODO 28:3

Aaronpaj churanacunata rurachunca yachaisapa espirituta ñuca jundachishca yachaisapa shungu runacunahuan rimai. Chashna rurajpimi Aarontaca ñucapajta ruraj cura cachun ch'icanchisha.

ÉXODO 31:6

Paita ayudachunca Dan aillupuramanta Ahisamacpaj churi Aholiabtami paihuan churarcani. Tucui ñuca imalla nishcatataj rurachunca yachaisapa cashcamanta chaitataj ruranaihuan caj shunguyujcunamanca tucuicunamanmi ashtahuan yachaita curcani.

ÉXODO 35:10

Cancunapurapi imatapish shungumanta ruranata yachajcuna shamushpami Mandaj Dios rurachun nishca caicunata rurangacuna:

ÉXODO 35:2

Sujta punllacunallatami trabajana. Canchis punllapica, Mandaj Diospajlla ch'icanchishca samana punllami. Maijanpish chai punllapi ima trabajota rurajca huañungami.

ÉXODO 36:1

“Chaimanta yachaisapa, yuyaisapa cachun churashcacunaca Bazaleelpish, Aholiabpish tucui shujtajcunapish Mandaj Dios yachaisapa shunguta churashcacunaca Mandaj Diospajta rurangapaj Mandaj Diospaj huasita tucui ima shujtajcunata rurachunmi chashna churashca. Paicunami Mandaj Dios tucui imallata rurachun nishpa mandashcataca rurangacuna” nircami.

ÉXODO 36:3

Paicunaca Mandaj Diospajta rurangapaj Mandaj Diospaj huasita tucui ima shujtajcunata chaipi ruranapajpish israelcuna Mandaj Diosman cungapaj apamushcacunatami Moisespaj maquimanta japircacuna. Israelcunaca paicuna cuna munaita charishcamantaca cada tutamantami Mandaj Diosman cungapajca apamucurcallacuna.

Hechos 14:23

Tandanacushca crijcuna tiyanpica, tucuipimi cunaj yuyajcunata churarcacuna. Ayunashpa, Taita Diosta mañashca q'uipaca paicunataca paicuna crishca Mandaj Jesusmanmi mingarcacuna.

Colosenses 4:17

Arquipomanpish: “Riqui, Taita Diospajta ruranata Mandaj Jesús cushcata chasquishcataca pajtachingui ninmi” nichij.

Hebreos 5:4

Maijanpish paipaj munaimantaca curacunata jatun pushaj curaca mana cai tucunchu. Ashtahuanpish Diosmari Aaronta shinallataj agllashpa churan.