ÉXODO 36:10 - Dios Rimashca Shimicunami

¹⁰ Pichca cortinacunataca caishujhuan chaishujhuan tupachishpa sirashpa shujllatami rurarcacuna. Caishuj pichca cortinacunatapish caishujhuan chaishujhuan tupachishpa sirashpa shujllatami rurarcacuna.

ÉXODO 36:10 Iomraidhean Croise

SALMOS 122:3

Jerusalenca shuj pueblota paicunapurallata alli tandachishpa shayachishca shinami.

SALMOS 133:1

Riquichij, ¡Huauquindijcuna tandalla, shuj shinalla causanaca yallitaj alli, yallitaj sumajmari!

ÉXODO 26:3

Pichca cortinacunaca caishujhuan chaishujhuan tupachishpa sirashpa shujllata ruranapaj cachun. Caishuj pichca cortinacunapish caishujhuan chaishujhuan tupachishpa sirashpa shujllata ruranapaj cachun.

ÉXODO 36:11

Ña chashna rurashpaca, punta pichca cortinacunata tandachishca jatun cortinapaj filopica, morado puchcahuanmi rinrincunata rurarcacuna. Caishuj pichca cortinacunata tandachishpa sirashca tucuri filopipish chashnallatajmi rinrincunata rurarcacuna.

ÉXODO 36:9

Chai cortinacunaca cada shujmi sunimanca chunga ishqui metro sujta chunga centímetro, anchomanca shuj metro pusaj chunga centímetro carca. Cortinacunaca tucuicuna chai medidallatatajmi charirca.

SOFONÍAS 3:9

Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna.

Hechos 2:1

Pentecostés punlla chayamujpica, Jesusta catijcunaca tucuicuna tandanacushpa shuj yuyaillami carca.

1 Corintios 1:10

Huauquicuna, cancunataca ñucanchijta Mandaj Jesucristopaj shutipimi rogani. Cancunapurapi chaupirinacui ama tiyachun, tucuicuna chai shinallataj rimaichij. Yuyanapi, ruranapipish tucuicuna tandalla chai shinataj caichij.

1 Corintios 12:20

Ashtahuanpish cuerpo shujlla cajpipish, miembrocunaca achcacunami.

1 Corintios 12:27

Cancunaca Cristopaj cuerpomi canguichij. Cada quiquin chai cuerpopaj miembrocunami canguichij.

Efesios 1:23

Crijcunaca paipaj cuerpomi, paillatajmi tucuicunapi yallijta jundan.

Filipenses 2:2

chai shinallataj cashcata yuyashpa, chai c'uyaillahuantaj c'uyanacushpa, shuj munailla, shuj shinalla yuyashpa ñucata ashtahuan cushichipaichij.

Filipenses 3:15

Ñaqui cashcata rurajcunami canchij ninchij, shinashpaca chai shinallataj yuyashunchij. Cancuna shujtaj shina yuyajpipish, chaitaca Diosmi ricuchinga.