ÉXODO 36:1 - Dios Rimashca Shimicunami

¹ “Chaimanta yachaisapa, yuyaisapa cachun churashcacunaca Bazaleelpish, Aholiabpish tucui shujtajcunapish Mandaj Dios yachaisapa shunguta churashcacunaca Mandaj Diospajta rurangapaj Mandaj Diospaj huasita tucui ima shujtajcunata rurachunmi chashna churashca. Paicunami Mandaj Dios tucui imallata rurachun nishpa mandashcataca rurangacuna” nircami.

ÉXODO 36:1 Iomraidhean Croise

1 REYES 7:14

Hiramca, Neftalí aillupuramanta caj viudapaj churimi carca. Paipaj yayaca bronceta rurajmi carca. Paica Tiromantami carca. Chaimi Hirampish bronceta rurangapaj yachaisapa, alli yuyaiyuj yachaj carca. Jatun mandaj Salomonpajman Hiram shamushpaca, pai imalla rurachun nishcatami rurarca.

1 CRÓNICAS 2:20

Hurca, Uri shuti churitami charirca. Urica, Bezaleel churitami charirca.

1 CRÓNICAS 28:21

Mirga mirga ch'icanchishca curacunapish, levitacunapish Diospaj huasiman huashan huashan shamushpa Diospajta rurangapajca cambaj maquipimi. Paicunaca tucui imata ruranapipish canhuanmi canga. Shinallataj tucui imatapish ruranata yachaj, alli yuyaiyujcunapish tiyanmi. Tucui mandajcunapish, tucui israelcunapish tucuicunami can mandashcata rurangacuna” nircami.

SALMOS 119:6

Quiquin imalla mandashcaca tucui quiquin mandashcataj cashcata entendishpaca ñucaca mana pingachishca cashachu.

ÉXODO 12:28

Israelcunaca Moisesta, Aaronta Mandaj Dios ima shinalla mandashca shinami chaitataj tucuita rurarcacuna.

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 28:3

Aaronpaj churanacunata rurachunca yachaisapa espirituta ñuca jundachishca yachaisapa shungu runacunahuan rimai. Chashna rurajpimi Aarontaca ñucapajta ruraj cura cachun ch'icanchisha.

ÉXODO 31:11

Diospajlla cachun ch'icanyachina aceitetapish, Diospaj carpa huasipi churana mishquijllata ashnaj inciensotapish paicunami ñuca canta mandashca shinataj tucuita rurangacuna” nircami.

ÉXODO 36:2

Moisesca Bezaleeltapish, Aholiabtapish, yachaisapa shunguyujcunataca tucui shujtajcunatapishmi cayarca. Chaimi Mandaj Dios yachaisapa shunguta churashcacunaca Diosllataj shamuna yuyaita cujpi tucuicuna chai trabajota rurangapaj shamurcacuna.

ÉXODO 38:23

Bezaleelhuanca Dan aillupuramanta caj Ahisamacpaj churi Aholiabmi carca. Aholiabca azul millmata, morado millmata, amsa puca millmata puchcashcahuan, ashtahuan alli linota caupushcahuan sumajta bordashcacunayujta ahuanata yachajmi carca.

ÉXODO 39:1

Diospajlla ucupi Diospajta ruranapaj churanacunataca azul, morado, amsa puca puchcacunata ahuashpami rurarca. Aarón Diospajlla cura cashpa churarina churanatapish Mandaj Dios, Moisesta mandashca shinallatajmi rurarca.

NÚMEROS 7:9

Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Hebreos 8:2

Jesusca mana gentecuna rurashca, Jatun Dios rurashca Diospajlla ucupimi curacuna rurana cashcata ruracun. Chai huasimi Diospajtaj huasica.