ÉXODO 34:9 - Dios Rimashca Shimicunami

⁹ cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ÉXODO 34:9 Iomraidhean Croise

SALMOS 135:4

Mandaj Diosmari Jacobtaca, paipaj cachun agllarca. Israelcunataca paipajlla cachunmari agllarca.

SALMOS 25:11

Ñuca juchaca yallitaj jatunmari. Mandaj Dioslla, quiquinpaj shutita c'uyashcamanta perdonahuai.

SALMOS 28:9

Mandaj Dioslla, can agllashcacunataca quishpichihuayari. Quiquinpaj cajcunamanca allicunata cuhuayari. Paicunataca michihuayari, paicunamanca carapayari, huiñai huiñaita michihuayari.

SALMOS 33:12

Mandaj Diosmi ñucanchij Diosca nij llajtaca cushichishcami. Mandaj Dios ch'icanchishcacunaca cushichishcami. Mandaj Diosca paicunataca paipajlla cachunmi ch'icanchirca.

SALMOS 78:62

Paipaj cajcunataca espadahuan huañuchichunmi curca. Paipaj cajcunahuanca yallitajmi p'iñarirca.

SALMOS 94:14

Mandaj Diosca, paipaj cajcunataca manataj shitangachu. Paipaj cajcunataca manataj shitashcata saquingachu.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 32:9

Mandaj Diosca Moisestaca cashnapishmi nirca: –Ñucaca israelcunataca yallitaj rumi shungu cajtami ricuni.

ÉXODO 33:12

Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 34:7

Huaranga huaranga huahua huahuacunacama llaquicujllami cani. Millaita rurashcata, c'ariyashcata, juchallishcata perdonajmi cani. Yallitaj millaitaca imata mana rurashcata shinaca manataj saquishachu. Ashtahuanpish paicunapaj yaya mamamantaca quimsa huahua huahuacunacama, mana cashpaca chuscu huahua huahuacunacamami llaquichisha– nircami.

ISAÍAS 48:4

Ñucaca cancuna ch'ahuanyashcacuna cashcataca rijsinimi. Cancunapaj cunga tulluca racu fierro shinami, frentepish bronce shinami.

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

ZACARÍAS 2:12

Mandaj Diosca, jucha illaj llajtapimi, pai japina cashca Judá llajtataca japinga. Jerusalén pueblotapish agllangami.

NÚMEROS 14:19

Chashna cashcamanta quiquinpaj yallitaj c'uyaihuan, cai israelcunata Egiptomantapacha perdonashpa pushamucushca shinallataj cunanpish paicuna millaita rurashcataca perdonailla– nircami.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

DEUTERONOMIO 32:9

Chaimantami Mandaj Diosca paipajlla agllashcacunata rurarca. Jacobca pai munashcami carca.

DEUTERONOMIO 4:20

Egiptomantaca fierrota yacuyachina hornomanta shina japishpami Mandaj Diosca cancunataca llujshichimurca. Cunan punlla ima shinami paipajlla canguichij, chai shinallataj cachunmi cancunataca llujshichimurca.

DEUTERONOMIO 9:18

Chai q'uipaca ñaupaman rurashca shinallatajmi chuscu chunga punllata, chuscu chunga tutata micunata mana micushpa yacuta mana ubyashpa Mandaj Diospaj ñaupajpi cungurishpa mañarcani. Mandaj Diospaj ñaupajpi millaita rurashpa, paita p'iñachishpa cancuna juchallishcamantami chashna mañarcani.

DEUTERONOMIO 9:26

Mandaj Diostaca cashnami mañarcani: Mandaj Jatun Dioslla, cambaj cajcunataca amataj chingachihuaichu. Egiptomantaca cambaj cashcamantamari can jatun cashcahuan, cambaj tucuita rurai tucuj maquihuan cacharichishpa llujshichimurcangui.

DEUTERONOMIO 9:29

Paicunaca cambajmari. Cambaj cashcamantami can tucuita rurai tucuj cashcahuan, cambaj rigrata chutashpa llujshichimurcangui nishpami mañarcani.