ÉXODO 34:7 - Dios Rimashca Shimicunami

⁷ Huaranga huaranga huahua huahuacunacama llaquicujllami cani. Millaita rurashcata, c'ariyashcata, juchallishcata perdonajmi cani. Yallitaj millaitaca imata mana rurashcata shinaca manataj saquishachu. Ashtahuanpish paicunapaj yaya mamamantaca quimsa huahua huahuacunacama, mana cashpaca chuscu huahua huahuacunacamami llaquichisha– nircami.

ÉXODO 34:7 Iomraidhean Croise

GÉNESIS 19:16

Shina nijpipish, Lotca mana utca llujshircachu. Mandaj Dios Lotta llaquishpa chai pueblomanta llujshichinaman cachashcamantami chai angelcunaca Lottapish, paipaj huarmitapish, ishqui ushushicunatapish maquimanta aisashpa chai pueblomanta llujshichishpa canllaman churarca.

1 REYES 8:30

Cambajta rurajpish, can agllashca israelcunapish cambaj huasita chapashpa mañashcataca, can causacunmanta uyashpa perdonapai.

1 REYES 8:32

chaipica canca jahua pachamanta uyashpami cambajta rurajcunataca, Diosta mana manchajtaca pai ima shina cashcata ricuchishpa chai mana allita rurashcataca paipaj jahuallamantaj tigrachishpa llaquichingui. Cashcata rurajtaca pai cashcata rurashcata ricuchishpa allita cupangui.

2 CRÓNICAS 30:9

Cancunata Mandaj Diosca c'uyaj, llaquij Diosmari. Cancuna paiman cutirijpica, mana huashata ricuchingachu. Cancuna paiman cutirijpica, cancunapaj huauquicunata, cancunapaj huahuacunata prezu charicujcunamanpish paicunata llaquina yuyaita cungami. Chashnajpica, cai llajtaman tigramungacunamari” nishpami huillarcacuna.

NEHEMÍAS 1:5

cashnami mañarcani: “Mandaj Dios, jahua pachacunapaj Dioslla quiquintami rogani. Quiquinca tucuita rurai tucuj jatunmi cangui. Manchanami cangui. Quiquinta c'uyajcunata quiquin mandashcacunata cazujcunataca llaquinguimi. Quiquin cusha nishcacunatapish pajtachinguimi.

NEHEMÍAS 9:32

Ñucanchij Taita Dioslla, jatun Dioslla, tucuita rurai tucuj, manchana Diosmi cangui. Quiquin cusha nishcataca chaitataj pajtachij llaquij Diosmi cangui. Ñucanchij jatun mandajcunapish, llajtata mandajcunapish, curacunapish, profetacunapish ñucanchij ñaupa yayacunapish, can agllashca tucuicunapish Asiria llajtata jatun mandajcuna mandacushca punllamanta cunan punllacama tucui laya llaquita apacujtaca ama mana llaquita apacuj shinata ruraichu.

JOB 10:14

Ñuca juchata rurashcataca, canllataj ricucushcanguimi. Chaimanta ñucataca ima millaita mana ruraj jucha illaj cashcataca ama yuyanguichu.

SALMOS 103:3

Paica tucui millaita can rurashcata perdonajmi. Paica tucui cambaj ima nanaitapish alliyachijmi.

SALMOS 109:14

Paicunapaj yayacuna millaita rurashcaca Mandaj Diospaj yuyaimantaca amataj anchushca cachun. Paipaj mamapaj juchatapish, amataj p'ichashca cachun.

SALMOS 130:4

Cumurishpa quiquinta alli nichunmi ñucanchij juchacunata perdonashcangui.

SALMOS 136:10

Egipciocunapaj punta churicunata huañuchijta alabaichigari. Pai llaquij canaca huiñaipajmari.

SALMOS 136:15

Faraontapish, paipaj soldadocunatapish Puca Cuchapimi pambarca. Paita alabaichigari. Pai llaquij canaca huiñaipajmari.

SALMOS 25:11

Ñuca juchaca yallitaj jatunmari. Mandaj Dioslla, quiquinpaj shutita c'uyashcamanta perdonahuai.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 99:8

Mandaj Dios, ñucanchij Taita Dioslla, paicuna mañashcata cutichijmi cashcangui. Paicuna mana allita rurashcamanta llaquichishpapish perdonaj Taita Diosmi cangui.

ÉXODO 23:21

Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

ÉXODO 23:7

Llullaj canamantaca anchuringui. Ima juchachina illajlla cajtapish, cashcata rurajtapish ama huañuchichingui. Millaita rurajta llaquichinataca manataj saquishachu.

ÉXODO 33:19

Shina nijpimi Mandaj Diosca: –Ñuca alli cashcataca tucuitami canman ricuchigrini. Ñucaca Mandaj Dios cashcatapish cambaj ñaupajpimi huillasha. Ñuca pita llaquisha nishcatami llaquisha. Ñuca c'uyasha nishcatami c'uyasha.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 32:18

Canca cai tucui huaranga huaranga runacunatami c'uyashpa perdonashcangui. Shina cashpapish yayacuna juchata rurashcamantaca q'uipa huahuacunata llaquichijmi cangui. Tucuita rurai tucuj, tucuita Mandaj Jatun Dios shutimi cangui.

JEREMÍAS 9:24

Ashtahuanpish maijan cushicusha nishpaca, Mandaj Dios ñucata rijsishpa, ñuca ima nishcatapish cazuj cashpa, cai pachapipish ñucaca c'uyaihuan tucuicunapaj allita ricushpa, cashcata ruracujta rijsij cashpa cushicuchun. Ñucaca chaimanta cushicuchunmi munani” ninmi Mandaj Diosca.

DANIEL 9:4

Mandaj ñuca Taita Diosta mañashpa, paiman tucuita huillashpaca cashnami nircani: “Jatun Dios quiquinca manchashca cana jatun Taita Diosmi cangui. Quiquinta c'uyajcunata, quiquinpaj mandashcacunata huaquichijcunapajca, paicunapaj imata rurasha nishpa ari nishcatapish, llaquij canatapish pajtachijmi cangui.

DANIEL 9:9

Ñucanchijca Taita Diosta mana cazushpami c'ariyashcanchij. Cunanca Mandaj ñucanchij Diospimi llaquij canapish, perdonaj canapish tiyan.

MIQUEAS 6:11

Mana alli pizaj balanzapi pizashpa c'atujcunatapish pizana bolsacunapi umashpa c'atujcunatapish ¿ima shinataj perdonashari?

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

NAHUM 1:6

Pai p'iñarijpica, ¿pitaj paipaj ñaupajpica shayari tucungari? Pai p'iñarishcataca ¿pitaj apai tucungari? Paipaj p'iñarinaca lunyacuj nina shinami tsiraparin. Paipaj ñaupajpica, jatun rumi urcucunapish chaupirinmi.

Mateo 12:31

Chaimantami cancunamanca cashna nini: Tucui juchacunata, p'iñashpa c'amishcacunataca Taita Diosca perdonangami. Ashtahuanpish jucha illaj Espirituta p'iñashpa c'amishcataca, manataj perdonangachu.

Mateo 6:12

Ima shinami shujtajcuna ñucanchijta ima mana allita rurashcacunata perdonanchij, shinallataj quiquinpish ñucanchij juchacunata perdonapai.

Lucas 7:42

Chai debijcuna imata mana pagai tucujpica, ishquindijtatajmi perdonarca. Canca ¿imatataj yuyangui? Chai ishquimantaca ¿maijanshi yalli c'uyanga?– nirca.

Lucas 7:48

Jesusca chai huarmitaca: –Cambaj juchacunaca perdonashcami– nircami.

Hechos 13:38

Caita yachaichij huauquicuna: Cancunapaj juchacunataca ñuca cancunaman huillacushca Jesucristollamantami perdonanga.

Hechos 5:31

Paitami Taita Diosca jatunyachishpa Mandaj cachun, Quishpichij cachunpish paipaj alli ladopi tiyachirca. Taita Diosca israelcunata Diosman cutirijta rurashpa paicunapaj juchacunata perdonangapajmi chashna rurarca.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 4:32

Chaipaj randica, caishujhuan chaishujhuan alli caichij. Cristopi cancunata Dios perdonashca shinallataj, caishuj chaishuj llaquijcuna, perdonanacujcuna caichij.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

DEUTERONOMIO 7:10

Ashtahuanpish paita p'iñajtaca paimantajmi pai japina cashcataca paipaj aichallapitaj mana uniyashpa cunga.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.

Hebreos 12:29

Ñucanchij Diosca rupachishpa tucuchij nina shinamari.

JOSUÉ 24:19

Chaimi Josueca: –Mandaj Diospajtaca cancunaca mana rurai tucunguichijchu. Paica jucha illaj Diosmi. Paipajlla causachun munajmi. Cancuna paita mana cazujpica, chai juchacunamantaca manataj saquingachu.

1 Juan 1:9

Shina cajpipish ñucanchij juchacunata huillajpica, Diosca imatapish pajtachij, cashcata ruraj cashcamantaca ñucanchij juchacunata perdonangami. Tucui millaimantapish p'ichangami.

Apocalipsis 20:15

Causanaman rinapaj libropi mana quillcashca cajca nina rupacuj cuchapimi shitashca carca.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.