ÉXODO 34:6 - Dios Rimashca Shimicunami

⁶ Mandaj Diosca Moisespaj ñaupajta pasacushpaca cashnami nirca: –Mandaj Dios, Mandaj Dios. Tucuita rurai tucuj Dios, llaquij, c'uyaj shungu, mana utca p'iñarij, yallitaj llaquij, mana llullaj Diosmi cani.

ÉXODO 34:6 Iomraidhean Croise

GÉNESIS 24:27

“Ñuca amo Abrahamta Mandaj Taita Diostaca alli nishca cachun. Paica ñuca amota c'uyashpa, pai imata nishcata pajtachishpami, ñucataca tucui ñanta pushashpa ñuca amopaj huauquicunapaj huasiman pushamushca” nishpami adorarca.

2 SAMUEL 24:14

Chaimi Davidca, Gad runataca: –Jatun llaquipimari cani. Mandaj Diosca yallitaj c'uyaj cashcamanta paipaj maquipi urmanatami munani. Runacunapaj maquipica mana urmasha ninichu– nirca.

1 REYES 19:11

Chaipimi Mandaj Diosca: “Canllaman llujshishpa, cai urcullapitaj ñuca ñaupajpi shayari” nirca. Mandaj Dios chashna nishpa pasajpica, yallitaj sinchi huaira shamushpami Mandaj Diospaj ñaupajpi chai urcutaca chaupirca. C'acayashcatapish t'unirca. Mandaj Diosca chai huairapica mana ricurircachu. Chai q'uipaca, allpa chujchuimi tiyarca. Mandaj Diosca allpa chujchuipipish mana ricurircachu.

1 REYES 8:30

Cambajta rurajpish, can agllashca israelcunapish cambaj huasita chapashpa mañashcataca, can causacunmanta uyashpa perdonapai.

2 CRÓNICAS 30:9

Cancunata Mandaj Diosca c'uyaj, llaquij Diosmari. Cancuna paiman cutirijpica, mana huashata ricuchingachu. Cancuna paiman cutirijpica, cancunapaj huauquicunata, cancunapaj huahuacunata prezu charicujcunamanpish paicunata llaquina yuyaita cungami. Chashnajpica, cai llajtaman tigramungacunamari” nishpami huillarcacuna.

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

SALMOS 108:4

Quiquin llaquij cashcaca jahua pachatapish yalli mana tucuripajmari. Quiquinpaj mana llullaca jahua pachacamamari.

SALMOS 111:4

Mandaj Diosca mana cungaripaj mancharinacunatamari rurashca. Mandaj Diosca llaquijmari, c'uyajmari.

SALMOS 111:8

Chai mandashcacunaca huiñaipaj sinchita churashcamari. Chaica mana panda chashnataj cachun churashcamari.

SALMOS 112:4

Cashcata rurajcunapajca amsapi luzta japichishca shinami. Paica llaquijmi, cujmi, cashcata rurajmi.

SALMOS 116:5

Mandaj Diosca llaquijmi, cashcata rurajmi. Ñucanchij Taita Diosca llaquijtajmari.

SALMOS 138:2

Quiquinpaj jucha illaj huasi ladomanmi cungurini. Quiquinca llaquij cashcamanta, imatapish pajtachijtaj cashcamantami quiquinpaj shutipi alabani. Tucui chaicuna jahuapica, quiquinpaj shutitapish, quiquinpaj shimitapishmi jatunyachishcangui.

SALMOS 145:8

Alli shungu, jatunta llaquijca Mandaj Diosmari. Paica mana utca p'iñarijmari, yallitaj llaquijmari.

SALMOS 146:6

Paimari jahua pachatapish, cai pachatapish rurarca. Mama cuchatapish, tucui chaipi imalla tiyajcunatapish paimari rurarca. Pai mana llullaj cashcataca huiñaipaj huaquichijmi.

SALMOS 31:19

Quiquinpaj c'uyaica yallitaj jatunmi. Chaitaca quiquinta manchajcunapajmi huaquichishcangui. Quiquinpi shunguta churajcunapimi ricuchishcangui. Chaitaca huañujlla aichayuj runacunapaj ñaupajpimi ricuchishcangui.

SALMOS 57:10

Quiquin llaquij cashcaca jahua pachacunacamami. Quiquinpaj mana llullaca p'uyucamami.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

SALMOS 91:4

Paipaj plumacunahuanmi cantaca pacanga. Paipaj alas ucupica imata mana manchashpami causangui. Paipaj mana llullaj shimica escudo shina, cara churana shinami huaquichinga.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 22:27

Paica shujlla churanata charishcamanta chaillahuan paipaj cuerpota taparij cashcamantaca ¿imahuantaj dormingari? Chashna cashpa pai ñucata caparishpa mañajpi ñucaca llaquij cashcamanta paita uyashami.

ÉXODO 33:19

Shina nijpimi Mandaj Diosca: –Ñuca alli cashcataca tucuitami canman ricuchigrini. Ñucaca Mandaj Dios cashcatapish cambaj ñaupajpimi huillasha. Ñuca pita llaquisha nishcatami llaquisha. Ñuca c'uyasha nishcatami c'uyasha.

PROVERBIOS 3:3

Llaquij canata, mana umaj canataca, amataj saquinguichu. Cungapi aparishca shina, shungupi quillcashca shina chai yuyai puringui.

ECLESIASTÉS 8:11

Millaita rurajpi mana utca llaquipi churajpica, shungupica ashtahuan millaita rurana yuyaillami purincuna.

ISAÍAS 12:4

Chai punllapica cashnami ninguichij: “Mandaj Diosta cantaichij. Paipaj shutita caparichij. Pai imallata rurashcataca, shujtajcunaman huillaichij. Paipaj shuti jatunyachishca cashcata yuyarichij.

ISAÍAS 65:16

Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.

JEREMÍAS 32:18

Canca cai tucui huaranga huaranga runacunatami c'uyashpa perdonashcangui. Shina cashpapish yayacuna juchata rurashcamantaca q'uipa huahuacunata llaquichijmi cangui. Tucuita rurai tucuj, tucuita Mandaj Jatun Dios shutimi cangui.

JEREMÍAS 9:24

Ashtahuanpish maijan cushicusha nishpaca, Mandaj Dios ñucata rijsishpa, ñuca ima nishcatapish cazuj cashpa, cai pachapipish ñucaca c'uyaihuan tucuicunapaj allita ricushpa, cashcata ruracujta rijsij cashpa cushicuchun. Ñucaca chaimanta cushicuchunmi munani” ninmi Mandaj Diosca.

LAMENTACIONES 3:23

Cambaj c'uyaica cada tutamanta mushujllatajmi, ñucanchijtaca manataj saquinguichu.

JOEL 2:13

Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

NAHUM 1:3

Mandaj Diosca tucuita rurai tucujmi, mana utca p'iñarijmi. Chashna cashpapish, millaita rurajcunata llaquichinataca manataj saquinchu. Mandaj Diosca c'ulun nishpami, jatun acapanapi purin. Pai purina p'uyuca, ñutu allpa shinami.

NÚMEROS 12:8

Paihuanca ñahui ñahuimi rimani. Imatapish mana pacashpa alli entendinallatami rimani. Paica Mandaj Diostaca ima shina cashcatami ricun. Chashna cashcamanta ¿ima nishpataj ñucapajta ruraj Moisesta rimanataca mana mancharcanguichij?” nircami.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

DEUTERONOMIO 32:3

Mandaj Diospaj shutitami ñucaca cantasha. ¡Ñucanchij Taita Diostaca jatunyachichigari!

DEUTERONOMIO 4:31

Mandaj Dios cancunapaj Taita Diosca llaquij Taita Diosmi. Paica mana saquingachu, mana chingachingachu. Cancunapaj ñaupa yayacunahuan ari ninacushcatapish manataj cungaringachu.

DEUTERONOMIO 5:10

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

Santiago 5:11

Ñucanchijca llaquita apajcunataca, cushichishcacunami ninchijmi: Job llaquita apashcataca uyashcanguichijmi. Llaquita apashca q'uipa, Jatun Dios imata cushcatapish ricushcanguichijmi. Jatun Diosca yallitaj llaquij, mana p'iñarijmi.