ÉXODO 34:4 - Dios Rimashca Shimicunami

⁴ Moisesca ishqui rumicunata ñaupaman cashcata shinallataj llambujllata rurashpami, Mandaj Dios nishca shinallataj cayandij tutamantaca utcata chai ishqui rumicunata apashpa Sinaí urcuman huichiyarca.

ÉXODO 34:4 Iomraidhean Croise

ÉXODO 19:20

Sinaí urcu jahuaman Mandaj Dios uriyamushpaca, chai urcu puntamantami Mandaj Diosca Moisesta cayajpi paica chai urcu puntaman huichiyarca.

ÉXODO 19:3

Moisés Taita Dioshuan tupangapaj Sinaí urcuman huichiyajpica, Mandaj Diosca chai urcumanta cayashpami: –Jacobpaj huahua huahuacunaman cashna ni. Israelcunamanca caita huillai:

ÉXODO 32:16

Chai tablajlla rumicunaca Taita Dios rurashcami carca. Chaicunapi quillcashcapish Taita Diostaj quillcashcami carca.

ÉXODO 34:1

Mandaj Diosca Moisestaca: –Ñaupaman caj shinallatataj ishqui tablajlla rumicunata llambujllata rurai. Can p'aquishca puntaman caj rumicunapi quillcashca shimicunallatataj chaipipish quillcangapaj.

DEUTERONOMIO 10:1

Chai punllacunapimi Mandaj Diosca ñucataca cashna nirca: Ñaupaman caj shinallataj ishqui tablajlla rumicunata labrashpa ñucapajman cai urcuman huichiyai. Shinallataj caspimanta shuj arcatapish rurangui.

DEUTERONOMIO 10:3

Chashna nijpica, acacia caspimanta shuj arcata rurashpa, ñaupaman caj shinallataj ishqui tablajlla rumicunata labrashpami, chai rumicunataca maquipi apashca urcuman huichiyarcani.