ÉXODO 34:25 - Dios Rimashca Shimicunami

²⁵ Ñucaman cushca animalpaj yahuartaca imapish levadurahuan cajhuanca ama cunguichijchu. Pascua fiestapi ñucaman huañuchishpa cushca animalpaj aichataca cayandijpaj ama imata saquinguichijchu.

ÉXODO 34:25 Iomraidhean Croise

ÉXODO 12:10

Chai aichataca cayandij tutamantapajca imata ama saquinguichijchu. Cayandij tutamantapaj ima saquirijpica tucui rupachinguichij.

ÉXODO 12:20

Chai punllacunapica, levadurahuan p'unguillichishcacunataca imata ama micunguichijchu. Cancunapaj huasicunapica levadura illajlla tandatami micuna canguichij ninmi nigri” nircami.

ÉXODO 12:8

Chai tutaca cusashca aichata, levadura illajlla tandahuan, jayaj q'uihuacunahuan micunguichij.

ÉXODO 23:18

Ñucaman cushca animalpaj yahuartaca levadurayuj tandahuanca ama cunguichijchu. Chai animalpaj huiratapish cayandij punllapajca ama puchuchinguichijchu.

ÉXODO 29:34

Ñucapajlla cachun ch'icanchingapaj cushca aicha cashpa, tanda cashpa cayandijpaj ashallapish saquirijpica tucui rupachingui. Ñucapajlla ch'icanchishca cashcamanta mana micunachu.

LEVÍTICO 2:11

Chaquishca granocunata Mandaj Diosman cancuna cucushpaca ima cashpapish levadurahuan rurashcaca mana cana canchu. Mandaj Diosman rupachishpa cucushpaca levaduratapish chuspipaj mishquitapish ama churachun.

LEVÍTICO 7:15

Sumaj causaimanta Diosta pagui nishpa cushca animalpaj aichataca, chai cui punllallataj tucui micuchun. Chai aichataca cayandijpajca imata ama saquichichun.

NÚMEROS 9:12

Diosman cushpa huañuchishca animalpaj aichataca cayandij punllapajca, imata ama saquichun. Chai animalpajtaca shuj tullullatapish ama p'aquichun. Pascua micuitaca ima shina rurachun nishca shinataj rurachun.

Mateo 13:33

Shujtaj yuyachij parlohuanca: “Jahua pachamanta mandacujpica, shuj huarmi quimsa taza cutapi levadurahuan chapujpi, tucuita p'unguillichij shinami canga” nircami.

DEUTERONOMIO 16:3

Chai aichataca, levadurahuan rurashca tandahuanca ama micunguichijchu. Canchis punllata levadura illajlla tandahuan micunguichij. Cancunaca Egiptomantaca callpashpami llujshimurcanguichij. Egiptomanta llujshimushca punllata tucui cancunapaj causaipi yuyarinapajmi chashna rurana canguichij.

DEUTERONOMIO 16:4

Chai canchis punllacunapica, tucui cancunapaj llajtapimi cancunapaj c'uchupica levadurataca mana charina canguichij. Shinallataj callari punllapaj chishipi cunapaj huañuchishca aichataca cayandijpajca ama imata saquinguichijchu.