ÉXODO 34:16 - Dios Rimashca Shimicunami

¹⁶ Mana cashpaca cancunapaj churicunapaj huarmi cachunmi paicunapaj ushushicunata japinguichij. Chai huarmicunaca paicunapaj dioscunahuan huainayacushpaca, cancunapaj churicunatapish paicunapaj dioscunahuanmi huainayachinga.

ÉXODO 34:16 Iomraidhean Croise

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

1 REYES 11:1

Jatun mandaj Salomonca, faraonpaj ushushihuan cazarashca jahuami Moabmanta, Amonmanta, Edommanta, Sidonmanta, heteo mana Israel caj huarmicunatapish c'uyarca.

1 REYES 21:25

Acab shinatajca pi mana millaita rurarcachu. Paica paipaj huarmi Jezabel yuyaita cujpimi, c'aturij shina tucushpa Mandaj Diospaj ñaupajpi yallitaj millaita rurarca.

2 CRÓNICAS 21:11

Chashna mana mishai tucushca jahuami, Joramca Judá llajtapica lomacunapi altarcunata rurarca. Chaita rurashpami Jerusalenpi causajcunataca, rurashcalla dioscunata catishpa huainayachirca. Tucui Judá llajtapi causajcunatami, chai dioscunapi yuyaita churachirca.

ESDRAS 9:12

Cunanca cancuna c'ari c'ari cangapaj cancunapaj allpapi p'ucushca tucuimanta yalli alli granocunata micushpa causangapaj, cai allpatapish cancunapaj huahuacunapaj herencia cachun huiñaipaj saquingapajca, cancunapaj ushushicunataca paicunapaj churicunamanca ama cunguichijchu. Paicunapaj ushushicunatapish cancunapaj churicunapaj huarmi cachun ama japinguichijchu. Paicunahuan sumajta causashunmi nishpa tandanacunatapish, paicuna ruraj cashca shina rurashpa ashtahuan ñaupajman rina cashcatapish ama yuyanguichijchu.

ESDRAS 9:2

Israelcunaca cai llajtapi causajcunapaj ushushicunatami paicunapaj huarmicuna cachun, paicunapaj churicunapaj huarmicuna cachun japishcacuna. Chashnami Dios agllashca jucha illaj israelcunaca cai llajtapi causajcunahuan chagrurishpa mapayashcacuna. Chashna yallitaj millaita ruranataca israelcunata pushajcunarajmi callarircacuna” nishpami huillarcacuna.

NEHEMÍAS 10:30

Ñucanchij ushushicunataca cai llajtapi causaj mana israelcunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu.

NEHEMÍAS 10:31

Cai llajtapi causaj mana israelcuna samana punllapi cashpapish, Diospajlla ch'icanchishca shujtaj punllapi cashpapish imata c'atungapaj shamujpipish, granocunata c'atungapaj shamujpipish chai punllacunapica mana randishunchu. Canchis huata tucujpipish ñucanchij allpacunata samachishunmi. Ñucanchij maijanllaman imata mañachishcatapish mana cobrashunchu nircacunami.

NEHEMÍAS 13:23

Chai punllacunallatajmi, maijan judiocunataca Asdod huarmicunata, Amonita huarmicunata, Moab huarmicunata paicunapaj huarmi cachun japishcacuna cashcata ricurcani.

NEHEMÍAS 13:25

Chaimi paicunahuanca yallitaj p'iñarishpa: Mana allicunami canguichij nishpa maijan paicunataca huajtashpa ajchamanta c'utsashpa paicunataca: “Ñucanchij ushushicunataca mana israelcunapaj churicunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu. Ñucanchijpish paicunapaj ushushicunataca ñucanchij huarmicuna cachunca manataj japishunchu” nishpami ari nichircani.

SALMOS 106:39

Chai llajtacunapaj millai ruranacunata rurashpami mapayarcacuna. Chai ruranacunahuanmi huainayarcacuna.

OSEAS 1:2

Mandaj Diosca Oseasta punta cutin huillachishpaca cashnami nirca: “Huainayaj huarmipajman ri, chai huarmita cambaj huarmi cachun japi. Chai huarmihuan huahuacunata chari. Chai huahuacunaca huainayashcamanta huacharishca huahuacuna cachun. Cai llajtapi causajcunaca Mandaj Diosmanta anchurishpami, chai shinallataj huainayacuncuna” nircami.

LEVÍTICO 21:15

Chashna rurashpami paicunapura huahua huahuacunaca mana yanganchishca canga. Mandaj Dios ñucami cancunata jucha illajta ruraj cani” nircami.

JOSUÉ 23:12

Cai llajtapi mana israelcuna saquirishcacunahuan shujlla tucushpa, Mandaj Diosmanta caruyanguichijman. Chashna caishujmanta chaishujmanta tandacushpa, ñataj cancunapaj huahuacunatapish cazarachinguichijman. Chashna rurajpica,

JOSUÉ 23:13

cai llajtamanta chai saquirishca gentecunataca, Mandaj Dios cancunapaj ñaupajmanta mana anchuchina cashcata yachaichij. Ashtahuanpish paicunaca laziyana angu shina cancuna churarishpa urmanapajmi canga. Cancunallatataj huashapi macana angu shina, ñahuipi casha tiyacuj shinapishmi canga. Cancunata Mandaj Dios, cancunaman cushca cai sumaj llajtamanta cancunata tucui chingachingacamami chashna llaquichishca canguichij.

JUECES 14:3

Chaimi Sansonpaj yaya mamaca: –Circuncisionta mana rurashca filisteocunapuramanta huarmihuan cazaranapaj randica ¿manachu ñucanchijpurapipish tucui ñucanchij cai pueblopipish huarmica tiyan?– nijpipish Sansonca paipaj yayataca: –Paihuan cazarachihuaichijlla. Chai huarmimari ñuca munashca– nircami.

JUECES 3:5

Chashnami israelcunaca cananeocunahuan, heteocunahuan, amorreocunahuan, ferezeocunahuan, heveocunahuan, jebuseocunahuan chagru causarcacuna.

JUECES 3:6

Israelcunaca mana israelcunapaj ushushicunatapishmi paicunapaj huarmi cachun japircacuna. Paicunapaj ushushicunatapish mana israelcunapaj churicunamanmi curcacuna. Chashna rurashpaca mana israelcunapaj dioscunapajtapishmi rurarcacuna.

JUECES 8:27

Gedeonca chai curihuanca shuj efodta rurashpami, pai causacun Ofra pueblollapitaj huaquichichirca. Israelcunaca chaihuan huainayashpami, Mandaj Diosmanta anchurircacuna. Chashnami chai efodca Gedeonpajpish, paipaj huasi ucupuracunapajpish ñitcana tucurca.