ÉXODO 34:11 - Dios Rimashca Shimicunami

¹¹ Cunan ñuca mandashcacunata can huaquichijpica ñucapish amorreocunata, cananeocunata, heteocunata, ferezeocunata, heveocunata, jebuseocunataca cambaj ñaupajmanta anchuchishami.

ÉXODO 34:11 Iomraidhean Croise

1 CRÓNICAS 1:14

Canaanpaj huahua huahuacunaca: Jebuseo, amorreo, gergeseo,

NEHEMÍAS 13:23

Chai punllacunallatajmi, maijan judiocunataca Asdod huarmicunata, Amonita huarmicunata, Moab huarmicunata paicunapaj huarmi cachun japishcacuna cashcata ricurcani.

ÉXODO 23:28

Heveocunata, cananeocunata, heteocunata cambaj ñaupajmanta llujshichishpa cachachunca avispa chuspicunatami canta ñaupachishpa cachasha.

ÉXODO 3:17

Ñucami cancunataca Egiptopi llaquita apacunmanta llujshichishpa, cananeocuna, heteocuna, amorreocuna, ferezeocuna, heveocuna, jebuseocuna causacun lechepish, sacha chuspipaj mishquipish yacu llujshicuj shina tiyan llajtaman pushasha ninmi ningui.

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 33:2

Canta ñaupashpa richunca angeltami cachasha. Chai llajtamantaca cananeocunata, amorreocunata, heteocunata, ferezeocunata, heveocunata, jebuseocunatapishmi llujshichishpa cachasha.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

DEUTERONOMIO 12:28

Canpish, cambaj huahuacunapish, huahua huahuacunapish Mandaj Dios cancunapaj Taita Diospaj ñaupajpi allita rurajcuna, ima pandata mana rurajcuna cangapajca tucui cai ñuca mandashcacunata alli uyashpa huaquichinguichij.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 28:1

Cunan ñuca cancunaman quillcashpa mandashcacunata chai yuyailla tucushpa pajtachingapaj Mandaj Dios cancunapaj Taita Dios rimashcata alli uyajpica, Mandaj Dios cancunapaj Taita Diosca cancunataca tucui cai pacha llajtacunapaj jahuapimi jatun canapi churanga.

DEUTERONOMIO 33:27

Huiñaipaj Taita Diosca, can miticunami. Paipaj rigracunaca huiñaipaj canta charirajmi. Paimi canta p'iñajcunataca cambaj ñaupajmanta anchuchirca. Paimi: ¡Tucuita tucuchij! nircami.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

DEUTERONOMIO 5:32

Chaimanta cunanca israelcuna Mandaj Dios cancunapaj Taita Dios mandashca shina ruraichij. Alli ladomanpish, lluqui ladomanpish manataj anchurinachu canguichij.

DEUTERONOMIO 6:25

Mandaj Dios ñucanchijman cushca chai tucui mandashcacunataca pai ima shina mandashca shinataj chaitataj pajtachishpallami, Mandaj Dios ñucanchij Taita Diospaj ñaupajpica alli ricurishun ninguichij.

DEUTERONOMIO 6:3

Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.

DEUTERONOMIO 7:19

Mandaj Dios cancunapaj Taita Diosca tucuita rurai tucuj cashcahuan ricuchinacunahuan, milagrocunahuan, tucuita rurai tucuj maquihuan paipaj rigrata chutashpa llujshichimujtaca cancunapaj ñahuihuanmi ricurcanguichij. Mandaj Dios cancunapaj Taita Diosca cunan cancuna manchacun llajtacunatapish chashnallatajmi ruranga.

JOSUÉ 23:5

Chai manaraj quichushca llajtacunapi causajcunataca, Mandaj Diosmi cancunapaj ñaupajmanta llujshichishpa cachanga. Mandaj Dios cusha nishca shinallatajmi, chai llajtacunataca cancuna japinguichij.