ÉXODO 34:10 - Dios Rimashca Shimicunami

¹⁰ Mandaj Diosca Moisestaca: “Riqui tucui israelcunapaj ñaupajpimi shuj ari ninacushcata ruragrini. Tucui cai pachapi maipi mana rurashca mancharinacunatami ruragrini. Can causacun llajtapi Mandaj Dios rurashcataca mai llajtapi mana rurashcatami tucuicuna ricungacuna. Ñuca canhuan rurashcaca yallitaj mancharina cajpimi chashna canga.

ÉXODO 34:10 Iomraidhean Croise

2 SAMUEL 7:23

¿Maijan llajtataj cambaj Israel llajta shinaca tiyanri? Cambaj israelcunallamari cai pachapica cambajlla llajtaca tiyan. Cambajlla cachunmi paicunataca huatashcamanta llujshichinaman rircangui. Cambaj shutita paicunapi churangapajmi chashna rurarcangui. Paicunapaj allita rurangapajmi chashna rurarcangui. Ñucanchij llajtapica mancharinacunatami rurarcangui. Cambaj israelcunata c'uyashcamantami Egiptomantapish chai shujtaj llajtacunamantapish, paicunapaj dioscunapajmantapish llujshichimurcangui.

SALMOS 106:22

Cam shuti llajtapi mancharinacunata ruraj Diostaca cungarircacunami. Puca Cuchapi mana ricushcata ruraj Diostaca cungarircacunami.

SALMOS 136:4

Jatun mancharinacunata rurajca paillamari. Paita alabaichigari. Pai llaquij canaca huiñaipajmari.

SALMOS 145:6

Quiquinpaj jatun allicunata rurashcacunatami runacunaca huillangacuna. Ñucaca quiquin jatun cashcatami, tucuicunaman huillasha.

SALMOS 147:20

Shujtaj llajtacunamanca chaicunata mana piman curcachu. Pai mandashcacunataca mana rijsircacunachu. ¡Mandaj Diosta alabaichigari!

SALMOS 65:5

Quiquin cashcata ruraj cashcahuanca jatun allicunata rurashpami ñucanchijmanca cutichingui. Taita Dios ñucanchijta quishpichijmari cangui. Tucui cai pachapi causajcuna shuyanami cangui. Mama cucha tucuri caru llajtacunapi causajcunapish shuyanami cangui.

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

SALMOS 66:5

¡Shamuichigari. Taita Dios imalla rurashcata ricuichigari. Huañujlla runacunapajca jatun mancharinacunatamari rurashca!

SALMOS 68:35

Taita Dios quiquinpaj huasimantaca mancharina Diosmi ricuringui. Israelcunapaj Taita Diosca, pai agllashcamanca fuerzata cujmi. C'ari c'ari fuerzasapa canata cujmi. Taita Diosca alli nishca cachun.

SALMOS 72:18

Mandaj Taita Diosca alli nishca cachun. Israelcunapaj Taita Diosca alli nishca cachun. Mancharinacunata rurajca paillamari.

SALMOS 76:12

Paica mandajcunapaj causaita quichujmi. Paica cai pachata jatun mandajcunapaj manchanami.

SALMOS 77:14

Taita Dioslla quiquinca mancharinacunata ruraj Diosmi cangui. Quiquin tucuita rurai tucuj cashcataca tucui llajtacunamanmi ricuchircangui.

SALMOS 78:12

Taita Diosca Egiptopi caj Zoán pambapimi mancharinacunata rurarca. Paicunapaj ñaupa yayacunapaj ñaupajpimi chashna rurarca.

ÉXODO 34:27

Mandaj Diosca, Moisestaca: “Cai shimicunata quillcai: Cai shimicunahuanmi canhuanpish israelcunahuanpish ari ninacurcanchij” nircami.

ÉXODO 34:28

Moisesca chuscu chunga punllata, chuscu chunga tutatami Mandaj Dioshuan chaipi carca. Chai punllacunapica mana micurcachu, yacutapish mana ubyarcachu. Tablajlla rumicunapimi Dioshuan ari ninacushca chunga mandashcacunata quillcarca.

ISAÍAS 64:3

Ñucanchij manapish shuyacushca jatun mancharinacunata rurangapajmi uriyamurcangui. Chaipica urcucunapish quiquinpaj ñaupajpica yacuyarcami.

JEREMÍAS 32:21

Canmari can agllashca israelcunataca, tucuita rurai tucuj maquihuan jatun señalcunata rurashpa, Egipto llajta runacunata yallitaj manchachishpa chaimanta llujshichimurcangui.

MIQUEAS 7:15

Egipto llajtamanta llujshichimui punllapi jatun mancharinacunata ricuchishca shinallatajmi paicunamanpish ricuchisha.

DEUTERONOMIO 10:21

Paica cancuna alabanamari. Paimi cancunapaj Taita Dios. Paimi cancunapaj jatun mancharinacunata ruraj. Chaitaca cancunallataj ricurcanguichijmi.

DEUTERONOMIO 32:30

Paicunaca shujllamari huarangata manchachishpa catircacuna. Ishquillamari chunga huarangata callpachircacuna. Miticuna jatun Rumi shina ñucanchijta Mandaj Dios, paicunapaj maquipi churajpimari chashna rurarcacuna. Pai Diosllatajmi c'atuj shina paicunaman curca.

DEUTERONOMIO 4:13

Mandaj Diosca imallata ari ninacunataca chaipimi cancunaman huillarca. Chunga mandashcacunata chai yuyailla tucushpa pajtachichunmi mandarca. Chaitaca tablajlla ishqui rumipi quillcashpami curca.

DEUTERONOMIO 9:19

Mandaj Diosca nina sindirij shina yallitaj p'iñarishpa tucuitaj chingachigrijpimi achcata mancharcani. Chashna cajpipish Mandaj Diosca, ñuca mañashcataca shuj cutinhuanmi uyarca.

JOSUÉ 6:20

Curacuna bocinapi tocajpica, tucui israelcunaca sinchitami caparircacuna. Paicuna tocashcacunapish, sinchita caparishcacunapish uyarijpica, chai pueblo muyundij pircacunaca urmarcallami. Chai pircacuna urmajpica, tucui israelcuna paicuna ricushca derechota huichiyashpami llaquichingapaj yaicurcacuna.