ÉXODO 33:7 - Dios Rimashca Shimicunami

⁷ Moisesca Diospaj carpa huasita apashpami, israelcunapaj carpa huasicunamanta caruman shayachishpa, chaitaca Dioshuan tupanacuna nishpa shutichirca. Mandaj Diosta maijanpish mashcajca Dioshuan tupanacuna carpa huasimanmi, israelcunapaj carpa huasicunamanta llujshishpa rijcuna carca.

ÉXODO 33:7 Iomraidhean Croise

2 SAMUEL 21:1

David mandacui punllacunapica quimsa huata jundatami yaricai tiyarca. Davidca Mandaj Diostami tapurca. Mandaj Diosca Davidmanca: “Saulpish, paipaj huasi ucupuracunapish gabaonitacunata huañuchishpa yahuarta jichashcamantami chashna llaquica tiyan” nircami.

SALMOS 10:1

Mandaj Dioslla, ¿ima nishpataj ñucamanta carupi canguiyari? Ñuca llaquihuan cai punllacunapica ¿ima nishpataj miticunguiyari?

SALMOS 27:8

Ñuca shungupica: “Ñucata mashcai” ninguimari. Chaimanta Mandaj Dioslla ñucaca cantami mashcasha.

SALMOS 35:22

¡Mandaj Dios quiquinllataj ricunguimi! ¡Ama upalla saquichu! ¡Jatun Dioslla ñucamantaca ama caruyaichu!

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 18:7

Moisés paipaj suegrota tupanaman llujshishpaca, paipaj ñaupajpi cumurishpa muchashpami, caishuj chaishuj allillachu cangui ninacushpaca, carpa huasiman yaicurcacuna.

ÉXODO 33:6

Chaimi israelcunaca Horeb urcumanta ri callari pachamanta chai sumaj churanacunataca ña mana churarircacuna.

ÉXODO 33:8

Israelcunapaj carpa huasicunamanta Moisés llujshishpa Diospaj carpa huasiman rijpica, tucui israelcunami paicunapaj carpa huasi pungucunapi shayarishpa, Dioshuan tupanacuna carpa huasiman Moisés yaicungacama chaparacujcuna carca.

PROVERBIOS 15:29

Mandaj Diosca, paita mana manchajcunamantaca carupimi. Ashtahuanpish cashcata rurajcunataca, mañashcata cutichingapaj uyaracunmi.

ISAÍAS 59:2

Ashtahuanpish cancuna millaita rurashcamari, cancunahuan cancunapaj Taita Dioshuan ch'icanchishca. Cancunapaj juchacunamari cancuna mañashcata ama uyachun Taita Diospaj ñahuita tapan.

OSEAS 9:12

Paicunapaj huahuacuna jatunyajpipish, paicunapuramantaca anchuchishami. Paicunamanta ñuca anchurijpica, ¡aij imachari tucungacuna!

DEUTERONOMIO 4:29

Chai llajtacunapi cashpapish cancunata Mandaj Diosta tucui shunguhuan, tucui yuyaihuan mashcashpaca japinguichijmi.

Hebreos 8:2

Jesusca mana gentecuna rurashca, Jatun Dios rurashca Diospajlla ucupimi curacuna rurana cashcata ruracun. Chai huasimi Diospajtaj huasica.