ÉXODO 33:5 - Dios Rimashca Shimicunami

⁵ Mandaj Diosca Moisestaca: –Israelcunataca cashna ni: Cancunaca yallitaj rumi shungucunami canguichij. Ñuca cancunapaj chaupiman ashata huichiyashpaca tucuicunatami chingachiman. Sumajta allichirishcacunata churarishcacunata anchuchichij. Cancunahuan ñuca imata rurana cashcata yuyaringapaj nigri– nircami.

ÉXODO 33:5 Iomraidhean Croise

GÉNESIS 18:21

Chaimanta cunanca caparishpa ñucaman huillashcacuna chashnataj cashcata, mana chashna cashcata ricungapajmi uriyagrini– nirca.

GÉNESIS 22:12

Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

JOB 34:20

Runacunaca ñapish huañungallami. Chaupi tutahuan capariricushpa chingaringallami. Tucuita rurai tucuj Diosca maquihuan mana huajtashpallataj chingachingallami.

SALMOS 139:23

Taita Dioslla, ñucataca alli alli ricuhuailla. Ñuca shungu ima shina cashcata rijsihuailla. Ñuca yuyaicuna ima shina cajta ricuhuayari, rijsihuayari.

SALMOS 73:19

Paicunataca cungaillapimi chingachinga. Jatun manchaihuanmi ñapish tucuchinga.

ÉXODO 32:9

Mandaj Diosca Moisestaca cashnapishmi nirca: –Ñucaca israelcunataca yallitaj rumi shungu cajtami ricuni.

ÉXODO 33:6

Chaimi israelcunaca Horeb urcumanta ri callari pachamanta chai sumaj churanacunataca ña mana churarircacuna.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

ISAÍAS 48:4

Ñucaca cancuna ch'ahuanyashcacuna cashcataca rijsinimi. Cancunapaj cunga tulluca racu fierro shinami, frentepish bronce shinami.

LAMENTACIONES 4:6

Ñuca aillupuracunallatajmari, Sodoma pueblopi causajcunapaj juchata yalli, millaita rurarcacuna. Chai puebloca, macanacunaman manapish pi shayarijpi ñapish chingarircallami.

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

NÚMEROS 16:21

–¡Tandanacushca cai israelcunamanta anchuichij. Paicunataca ñahui quinllaillapimi tucuchigrini!– nirca.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.