ÉXODO 33:12 - Dios Rimashca Shimicunami

¹² Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 33:12 Iomraidhean Croise

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

2 SAMUEL 15:25

Jatun mandajca Sadoctaca: –Taita Diospaj arcataca puebloman tigrachilla. Mandaj Diospaj ñaupajpi ñuca alli ricurishca cajpica, paica ñucata ayudashpa arcatapish, paipaj carpa huasitapish cutin ricuchun tigrachimungami.

SALMOS 1:6

Cashcata rurajcunapaj causaitaca Mandaj Diosca rijsinmi. Ashtahuanpish millaicunapaj causaica chingaringallami.

ÉXODO 3:10

Cunanca faraonpajman utcashpa rilla. Ñucaca cantaca ñuca agllashca israelcunata chai llajtamanta llujshichichunmi mandani– nircami.

ÉXODO 3:4

Moisés ricunaman c'uchuyacujpica Mandaj Diosca zarza yura chaupimantami: –¡Moisés, Moisés!– nijpi paica: –Caipimi cani– nirca.

ÉXODO 32:34

Cunanca israelcunata ñuca maiman pushashpa richun nishcaman pushashpa rilla. Ñuca angelmi canta ñaupashpa ringa. Paicunata llaquichina punlla chayajpimi, paicunapaj juchamantaca llaquichisha– nircami.

ÉXODO 33:1

Mandaj Diosca Moisestaca: –Egiptomanta can llujshichimushca israelcunata pushashpa huichi rilla. Abrahamman, Isaacman, Jacobmanca: Cai llajtataca cambaj huahua huahuacunamanmi cushatajmi nircani. Israelcunataca chaiman pushashpa rilla.

ÉXODO 33:17

Shina nijpi Mandaj Diosca Moisestaca: –Canca ñuca ñahuipi alli ricurishcamanta, cambaj shutitapish ima shina cajta rijsishcamantaca can nishcataca rurashami– nirca.

ÉXODO 33:2

Canta ñaupashpa richunca angeltami cachasha. Chai llajtamantaca cananeocunata, amorreocunata, heteocunata, ferezeocunata, heveocunata, jebuseocunatapishmi llujshichishpa cachasha.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 45:3

Sumaj charinacuna pacashca tiyacujtapish canmanmi cusha. Pacalla alli huaquichishcacunatapish canmanmi cusha. Ñucaca Mandaj Dios cashcata, israelcunapaj Taita Dios cashcata yachachun cantaca ñuca shutipi ñuca cayashca cashcata yachachunmi chashna rurasha.

JEREMÍAS 1:5

“Manaraj cambaj mamapaj huijsapi huiñachishpami, cantaca ña ricushcata charicurcani. Manaraj huacharijpimi, cantaca ñucallata servichun agllarcani. Cantaca tucui llajtacunapi causajcunaman ñuca ima nishcata huillajtami rurarcani” nircami.

HAGEO 2:5

Shinallataj cancuna Egiptomanta llujshimucujpi, ima shinami shuj ruranata rurasha nircani, chashnallatajmi ñuca Espirituca cancunahuan canga. Chashna cajpica ama imata manchanguichijchu” ninmi.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.