ÉXODO 33:11 - Dios Rimashca Shimicunami

¹¹ Mandaj Diosca Moiseshuanca maijan paihuan alli apanacujhuan rimacuj shinami ñahui ñahui rimaj carca. Chai q'uipaca Moisesca, carpa huasicunaman tigrajllami carca. Moisespajta ruraj Nunpaj churi Josueca, Diospaj carpa huasimantaca manataj anchurijchu carca.

ÉXODO 33:11 Iomraidhean Croise

GÉNESIS 32:30

Chaimi Jacobca chai pambataca: “Taita Diosta ñahui ñahui ricushpapish, manarajmari huañunichu” nishpa Penielta shutichirca.

2 CRÓNICAS 20:7

Ñucanchij Dioslla, canmari cai llajtapi causajcunataca, can agllashca israelcunapaj ñaupajpi shamushpa cai llajtamanta llujshichishpa cachashcangui. Chashna rurashpaca cai llajtataca, cutinca ama shujtajcunapaj cachunmi canhuan alli apanacuj Abrahampaj huahua huahua israelcunaman cushcangui.

JOB 16:21

¡Runaca shujtaj runahuan rimanacucuj shinalla Taita Dioshuan rimanacui tucujpichari alli canman!

ÉXODO 17:9

Chaipimi Moisesca, Josuetaca: –Israelcunapuramanta maijan runacunata agllashpa, amaleccunahuan macanacunaman llujshi. Ñucaca cayaca Diospaj caspita ñuca maquipi apashcami, urcu puntapi casha– nirca.

ÉXODO 24:13

Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

ÉXODO 32:17

Israelcuna yallitaj caparinacucujta uyashpami Josueca Moisestaca: –Carpa huasicunapica macanacuipi caparinatamari caparicuncuna– nirca.

ÉXODO 33:10

Diospaj carpa huasi pungupi suni p'uyu shayarijta israelcuna ricushpaca, jatarishpami paicunapaj quiquin carpa huasi pungupi Diosta adorarcacuna.

ÉXODO 33:9

Diospaj carpa huasiman Moisés yaicujpica, suni p'uyu uriyamushpami Diospaj carpa huasi pungupi shayarij carca. Chai ñaupajmantami Mandaj Diosca Moiseshuan rimaj carca.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

NÚMEROS 11:28

Shina nijpimi Moisesta ayudaj mosocunapuramanta Nunpaj churi Josueca: –Ñuca amito Moisés, chashna rimacujcunataca jarcapai– nirca.

NÚMEROS 12:7

Ashtahuanpish ñucapajta ruraj Moiseshuanca, mana chashnalla rimanichu. Paica ñuca huasipi imata rurana cashcataca tucuita pajtachijmi.

NÚMEROS 12:8

Paihuanca ñahui ñahuimi rimani. Imatapish mana pacashpa alli entendinallatami rimani. Paica Mandaj Diostaca ima shina cashcatami ricun. Chashna cashcamanta ¿ima nishpataj ñucapajta ruraj Moisesta rimanataca mana mancharcanguichij?” nircami.

Juan 11:11

Chashna nishca q'uipaca Jesusca: –Ñucanchij c'uyashca Lazaroca dormicunmi. Paita rijchachinamanmi rigrini– nijpimi,

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

DEUTERONOMIO 31:14

Chai q'uipami Mandaj Diosca Moisestaca: “Riqui, ñami can huañuna punllaca quichquiyamun. Ñucahuan tupanacuna carpa huasiman Josueta cayashpa chaipi shuyaichij. Chaipimi imalla rurana cashcataca mandasha” nircami. Moisespish, Josuepish Dioshuan tupana carpa huasiman rishpami chaipi shuyarcacuna.

DEUTERONOMIO 34:10

Chaimanta pachami Mandaj Dioshuan Moisés shina ñahui ñahui rimaj profetaca israelpurapica nunca mana tiyan.

DEUTERONOMIO 5:4

Mandaj Diosca chai urcupimi, cancunahuanca nina rupacuj chaupimanta ñahui ñahui rimarca.

Santiago 2:23

Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.