ÉXODO 33:10 - Dios Rimashca Shimicunami

¹⁰ Diospaj carpa huasi pungupi suni p'uyu shayarijta israelcuna ricushpaca, jatarishpami paicunapaj quiquin carpa huasi pungupi Diosta adorarcacuna.

ÉXODO 33:10 Iomraidhean Croise

1 REYES 8:14

Shina nishpaca jatun mandajca, chaipi tandanacushca israelcunapajman muyurishpami Dios allicunata cuchun nirca. Tucui tandanacushca israelcunami chaipi shayacurcacuna.

1 REYES 8:22

Chai q'uipaca Salomonca, Mandaj Diospaj altar ñaupajpi, tucui israelcuna tandanacushcacunapaj ñaupajpi shayarishpa paipaj maquicunata jahua pachaman chutashpami,

ÉXODO 13:21

Mandaj Diosca israelcunata ñaupashcami rirca. Punllaca suni p'uyuhuanmi paicuna rina ñanta ñauparca. Tutaca lunyacuj ninahuanmi achijyachishpa ñauparca. Punllapish, tutapish richunmi chashna ñauparca.

ÉXODO 33:11

Mandaj Diosca Moiseshuanca maijan paihuan alli apanacujhuan rimacuj shinami ñahui ñahui rimaj carca. Chai q'uipaca Moisesca, carpa huasicunaman tigrajllami carca. Moisespajta ruraj Nunpaj churi Josueca, Diospaj carpa huasimantaca manataj anchurijchu carca.

ÉXODO 33:9

Diospaj carpa huasiman Moisés yaicujpica, suni p'uyu uriyamushpami Diospaj carpa huasi pungupi shayarij carca. Chai ñaupajmantami Mandaj Diosca Moiseshuan rimaj carca.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

Lucas 18:13

Ashtahuanpish impuestota japijca caruman shayarishpa, mana huichilla ricushpallapish shungupi huajtarishpami: “Taita Dioslla, ñucata llaquihuayari, juchasapamari cani” nirirca.