ÉXODO 32:5 - Dios Rimashca Shimicunami

⁵ Paicuna caparinacujta ricushpami Aaronca, curi bizipaj ñaupajpi shuj altarta rurashpaca: –Cayaca Mandaj Diospaj fiestami canga– nishpa caparirca.

ÉXODO 32:5 Iomraidhean Croise

1 REYES 21:9

Chai quillcacunapica cashnami carca: “Ayunangapaj nishpa tucuicunata tandachichij. Nabottaca tucuicunapaj ñaupajpi churashpa,

2 REYES 10:20

Shina nishpaca Jehuca: –Baalta yuyarishpa jatun fiestata rurangapaj shuj punllata ch'icanchichij– nijpimi, paicunaca pai nishca shina rurashpa tandachircacuna.

2 REYES 16:11

Urías curaca Damascopi caj altar ima shina cashcataca jatun mandaj Acaz, ima shina ruranata cachashca shinallatajmi rurarca. Jatun mandaj Acaz Damascomanta shamunapajca Urías curaca ñami tucuchirca.

2 CRÓNICAS 30:5

Chaimantami israelcunata Mandaj Diosta jatunyachingapaj Jerusalenpi Pascua fiestata yuyaringapaj shamuchun, tucui israelcunata cayaj cachanata yuyarircacuna. Beersebamantaca, Dancamami huillachun cacharcacuna. Ña uni huatacunatami Pascua jatun punllataca, mandashcapi nicushca shinatajca mana yuyarircacuna.

ÉXODO 10:9

Shina nijpi Moisesca: –Ñucanchij Mandaj Diospaj jatun fiestapi alabana cashcamantaca ñucanchijca ñucanchij huahuacunandij, ñucanchij yuyaj yayacunandij, ñucanchij churicunandij, ñucanchij ushushicunandij, ñucanchij ovejacunandij, ñucanchij vacacunandijmi rina canchij– nircami.

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 17:15

Moisesca shuj altarta rurashpa, chai altartaca: Jehová– nisi shutita shutichishpami,

ÉXODO 32:4

Chaicunata paicunapaj maquimanta chasquishpa yacuyachishpa shuj curi bizita rurajpimi paicunaca: –Israelcuna, cancunapaj dioscunaca caicunamari. Paicunami cancunataca Egiptomanta llujshichimurca– nircacuna.

ÉXODO 32:6

Cayandij tutamanta utca jatarishpami tucuita cushpa rupachinatapish, alli cangapaj cuna cashcatapish curcacuna. Tucuicunami micungapaj ubyangapaj tiyarircacuna. Chai q'uipaca cushicungapajmi jatarircacuna.

OSEAS 8:11

Efrainca juchallingapajmi achca altarcunata rurarca. Juchallingapajllami altarcunataca charirca.

OSEAS 8:14

Israelcunaca paicunata Ruraj Taita Diostami cungarircacuna. Shujtaj dioscunapaj huasicunatami shayachircacuna. Judaca sinchi pircayuj pueblocunatami mirachirca. Chai pueblocunamanca ñucaca ninatami cachasha. Paicunapaj mandana huasicunataca rupachishpami tucuchisha.

LEVÍTICO 23:2

“Tucui israelcunata cashna nishpa mandai: Mandaj Diosta yuyarina jatun fiestacunataca, cai punllacuna ruranguichij. Chai fiestacunaca Diospajlla cashcamanta chaimanca tucuicunata cayanguichij.

LEVÍTICO 23:21

Chai punllallataj Diospajlla tandanacuiman cayanguichij. Chai punllapica sinchi trabajocunataca imata ama ruranguichijchu. Tucui cai mandashcacunaca cancuna maipi causashpapish cancunapaj huahua huahua chaitataj pajtachicuchunlla mandashcami.

LEVÍTICO 23:37

Mandaj Diospajlla jatun tandanacuita rurangapaj cayashpaca caicunapajmi: Mandaj Diosman cushpa rupachinapaj, tucuita cushpa tucui rupachinapaj, chaquishca granocunata cungapaj, animalta huañuchishpa Diosman cungapaj, vinota tallingapajmi tandachina canguichij. Chaicunataca maijan punllallapi cunapimi huashan huashan cuna canguichij.

LEVÍTICO 23:4

Tucuicuna Mandaj Diosta yuyaringapaj fiestataca ñuca mandashca punllapitaj ruranguichij.

1 Corintios 5:8

Chashna cashcamanta fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij.

1 SAMUEL 14:35

Saulca chaipica, Mandaj Diospaj shuj altartami rurarca. Chai altartami Mandaj Diospajca punta rurarca.