ÉXODO 32:4 - Dios Rimashca Shimicunami

⁴ Chaicunata paicunapaj maquimanta chasquishpa yacuyachishpa shuj curi bizita rurajpimi paicunaca: –Israelcuna, cancunapaj dioscunaca caicunamari. Paicunami cancunataca Egiptomanta llujshichimurca– nircacuna.

ÉXODO 32:4 Iomraidhean Croise

1 REYES 12:28

Chaita paiman yuyaita cujcunahuan parlanacushpaca, jatun mandajca ishqui curi bizicunata rurachishpami israelcunataca: “Israelcuna, cancunaca ñami achca cutin Jerusalenmanca puringuichij. Egipto llajtamanta cancunata llujshichimuj dioscunaca cunanca caipimari” nircami.

1 REYES 12:32

Jeroboamca Judapi jatun fiestata ruraj cashca shinallatajmi huatapaj pusaj quilla chunga pichca punllapica, pai rurachishca shuj altarpi sacrificiota cushpa fiestata ruranata callarichirca. Jeroboamca Bet-elpimi, pai rurachishca bizicunaman sacrificiocunata curca. Bet-elpi caj lomacunapi pai rurachishca altarcunapica curacunatami churarca.

2 REYES 10:20

Shina nishpaca Jehuca: –Baalta yuyarishpa jatun fiestata rurangapaj shuj punllata ch'icanchichij– nijpimi, paicunaca pai nishca shina rurashpa tandachircacuna.

2 REYES 10:29

Chashna rurashpapish Jehuca Nabatpaj churi Jeroboam juchallishpa israelcunata juchallichishca shina juchallinataca mana saquircachu. Ashtahuanpish Bet-elpi caj, Danpi caj curi bizitaca mana urmachishpami adorashpa causarca.

2 CRÓNICAS 11:15

Jeroboamca paillatajmi lomacunapi tiyaj altarcunapajpish, supaicunapajpish, pai rurachishca bizi dioscunapajpish shujtaj curacunata churarca.

2 CRÓNICAS 13:8

¿Cunanhuanpishchu Davidpaj huahua huahuapura mandajtaca, mana cazushpa c'ariyashun nicunguichij? Paicunataca Mandaj Diosllatajmari mandachun churarca. ¿Cancunaca yallitaj achcacunapura cashcamanta, shinallataj cancunapaj dioscuna shina cachun Jeroboam rurashca bizicunata charishcallamantachu Mandaj Diostaca mana cazushun ninguichij?

NEHEMÍAS 9:18

Fierrota yacuyachishpa bizi diosta rurashpa: Egiptomanta cancunata llujshichimuj diosca caimi nishpa yallitaj quiquinta p'iñachijpipish,

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 20:4

Imaman rijchajcunatapish ama ruranguichijchu. Jahua pachapi cajcunaman rijchajtapish, cai pachapi cajcunaman rijchajtapish, yacu ucupi cajcunaman rijchajtapish, amataj ruranguichijchu.

ÉXODO 28:11

Yaya Israelpaj churicunapaj shuticunataca rumipi quillcanata yachajman ishqui rumipi quillcachingui. Chaica sellanapi quillcashca shina saquirichun. Chai rumicunataca canichishpa churanapaj curimanta rurashcapi muyundijta churangui.

ÉXODO 28:9

Ónice nishca ishqui rumicunata japishpa, chaipica yaya Israelpaj chunga ishqui churicunapaj shuticunata quillcangui.

ÉXODO 32:1

Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 32:24

Chaimi ñucaca: Maijanpish curita charijca llujshichishpa apamuichij nijpi paicuna ñucaman cujpimi, chaicunata ninapi shitajpica, cai bizi llujshircalla– nircami.

ÉXODO 32:3

Israelcunaca tucuicunami paicunapaj curi zarcillocunata paicunapaj rinrincunamanta llujshichishpa Aaronpajman apamurcacuna.

ÉXODO 32:35

Mandaj Diosca israelcunataca Aarón rurashca bizi diosta adorashcamantami chugrichirca.

ÉXODO 32:5

Paicuna caparinacujta ricushpami Aaronca, curi bizipaj ñaupajpi shuj altarta rurashpaca: –Cayaca Mandaj Diospaj fiestami canga– nishpa caparirca.

ÉXODO 32:7

Mandaj Diosca Moisestaca: –Egiptomanta can llujshichimushca gentecunaca millaitami ruracuncuna. Paicunapajman uriyashpa rilla.

ÉXODO 32:8

Ñuca mandashca ñanmantaca utcami anchurishcacuna. Shuj curi bizita rurashpamari chaita adorashpa paiman sacrifiocunata cushpa: Israelcuna cancunataca cai dioscunamari Egiptomantaca llujshichimurca nicuncuna– nircami.

ISAÍAS 30:22

Chashna cashpami labrashpa rurashca dioscunata cullquihuan llihuishcacunatapish, labrashpa rurashca diostajllacunata curihuan llihuishcacunatapish mapa cashcata yuyanguichij. Millanana mapa llachapata shina anchuchishpaca: “¡Caimanta llujshi!” ninguichijmi.

ISAÍAS 46:6

Curitaca muchilamantami llujshichincuna. Cullquitaca balanzacunapimi pezancuna. Chaicunahuanca cungurishpa adorangapajmi cullquimanta imatapish rurajman shuj diosta rurachin.

EZEQUIEL 23:8

Egipto llajtapi causajcunahuan huainayanataca manataj saquircachu. Chairaj huambra cashcamantapachami, Ahola huarmica paihuanca siririrca. Paicunami pipish manaraj lutsashca chuchucunatapish lutsarcacuna. Chashnami paihuanca yallitaj huainayarcacuna.

OSEAS 10:5

Samariapi causajcunaca, Bet-avenpi caj bizi dioscuna chingarijpimi mancharingacuna. Chai bizi diosta jatunyachishpa cushicuna chingarijpimi, chaita adorajcunapish, chaimanta cushicuj curacunapish llaquirishpa huacangacuna.

OSEAS 13:2

Paicunaca ashtahuan ashtahuan chai juchallatataj cunancama rurashpa catishpami, cullquita yacuyachishpa imamanpish rijchaj dioscunata rurancuna. Quiquin yuyaimantami imamanpish rijchaj dioscunata rurancuna. ¡Tucui chaicunaca imatapish ruranata yachaj rurashcallami! Chashna rurashpaca chai dioscunaman animalcunata huañuchishpa cujcunataca chai bizicunata muchaichij nircacunami.

Hechos 17:29

Taita Diosmanta miramushcacuna cashpaca, Taita Diostaca curita, cullquita, rumita labrashpa gentecunapaj yuyaillamanta rurashca dios shina cana cashcataca mana yuyanachu canchij.

Hechos 7:41

Chaimi bizi diosta rurashpa, chai manapish dios cajman sacrificiota curcacuna. Paicunapaj maquihuan rurashca dioshuanmi cushicurcacuna.

1 Corintios 10:7

Paicunamanta maijancuna shina, rurashcalla dioscunata ama adorajcuna caichijchu. Cashnami quillcashca tiyacun: “Tucuicunami micungapaj, ubyangapaj tiyarircacuna, pugllangapajpishmi jatarircacuna” ninmi.

DEUTERONOMIO 9:16

Ashtahuanpish cancunaca Mandaj Dios cancunapaj Taita Diosta p'iñachishpa juchallishcatami ricurcani. Cancunaca curita yacuyachishpami bizi diosta rurashpa Mandaj Dios cancunaman ricuchishca ñanmanta utca anchurishca carcanguichij.

JUECES 8:24

Gedeonca cashnapishmi nirca: –Cancunataca caillatami mañani. Ismaelitacuna aparishca cashca curi zarcillocunata cancuna apamushcacunata tucuicuna ñucaman cuchunllami mañani– nircami.

JUECES 8:27

Gedeonca chai curihuanca shuj efodta rurashpami, pai causacun Ofra pueblollapitaj huaquichichirca. Israelcunaca chaihuan huainayashpami, Mandaj Diosmanta anchurircacuna. Chashnami chai efodca Gedeonpajpish, paipaj huasi ucupuracunapajpish ñitcana tucurca.