ÉXODO 32:22 - Dios Rimashca Shimicunami

²² Shina nijpi Aaronca: –Ñuca amito, ñucahuanca ama p'iñarihuaichu. Cai israelcuna millaita rurana yuyailla cashcataca canllataj yachanguimi.

ÉXODO 32:22 Iomraidhean Croise

GÉNESIS 44:18

Judaca Josepajman c'uchuyashpami: –¡Aij, ñuca amitolla!, canca faraón shinallatajmari cangui. Cambajta ruraj ñucami, can amitollahuan parlasha nini. Cambajta ruraj ñucahuanca nina sindirij shinaca amataj p'iñaripangui.

SALMOS 36:4

Camapi cashpapish millaita ruranallatami yuyarin. Mana alli ñanllapi purinatami munan. Millaitaca mana p'iñanchu.

ÉXODO 14:11

Israelcunaca Moisestaca: –¿Egiptopica pambana jutcucuna mana tiyajpichu cai shitashca pambapi huañuchun ñucanchijtaca llujshichimurcangui? Egiptomanta ñucanchijta llujshichimushpaca mana ruranatamari rurangui.

ÉXODO 15:24

Chaipimi israelcunaca Moisestaca: “¿Imatataj ubyashunri?” nishpa juchachishpa rimai callarircacuna.

ÉXODO 16:20

Ashtahuanpish maijancunaca Moisés mandashcata mana cazushpami, cayandijpaj ashata saquircacuna. Ashtahuanpish chai micunapica c'urucuna huiñajpi ashnacujmi tucurca. Chaimi Moisesca paicunataca p'iñarishpa rimarca.

ÉXODO 16:28

Chaimi Mandaj Diosca Moisestaca: –¿Cancunaca maicamataj ñuca yachachishcacunata, mandashcacunata chaitataj ruranataca mana rurashun ninguichij?

ÉXODO 32:1

Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 32:21

Chaipimi Moisesca Aarontaca: –Cai gentecunapajman cai jatun juchata apamuchunca paicunaca cantaca ¿imatataj rurarcari?– nirca.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

DEUTERONOMIO 31:27

Ñucaca cancuna mana cazujcuna, millaita ruranaman aticujcuna cashcatami yachani. Cunan cancunahuan ñuca causacujpipish cancunaca Mandaj Diosta c'ariyajcunami canguichij. Ñuca huañushca q'uipacarin ima shinachari canguichij.

DEUTERONOMIO 9:24

Cancunaca ñuca rijsishca punllamanta pachami Mandaj Diosta c'ariyajcuna cashcata ricuni.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

1 SAMUEL 15:15

Chaipimi Saulca: –Mandaj cambaj Diosman cushpa rupachingapajmari, ñuca soldadocunaca amaleccunapaj ashtahuan alli huagracunatapish, ovejacunatapish apamurcacuna. Ima shujtajcunataca tucuitamari chingachircanchij– nirca.

1 SAMUEL 15:21

Ñuca soldadocunallami chingachinapaj cashcacunamanta ashtahuan alli huagracunatapish, ovejacunatapish agllashpa apamurcacuna. Chaicunataca canta Mandaj Diosman cushpa, Gilgalpi huañuchingapajmi charicuncuna– nircami.

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,