ÉXODO 32:2 - Dios Rimashca Shimicunami

² Chaimi Aaronca: –Cancunapaj huarmicunapaj, cancunapaj churicunapaj, cancunapaj ushushicunapaj rinrincunapi caj curi zarcillocunata llujshichishpa apamuichij– nirca.

ÉXODO 32:2 Iomraidhean Croise

GÉNESIS 24:22

Camellocuna yacuta ña mana nijta ubyajpica, Abrahampajta ruraj runaca Rebecamanca chaupi siclota pezaj curi shuj argollata, chunga siclota pezaj curi ishqui brazaletecunata cushpami,

GÉNESIS 24:47

Chaimi ñucaca: Canca ¿pipaj ushushitaj cangui? nijpi paica: Ñucaca Betuelpaj ushushimi cani, ñuca yayapaj yayaca Nacormi, mamaca Milcami nijpi ñucaca paipaj singapica shuj argollata churachircani. Maquicunapica brazaletecunata huatachircani.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 32:3

Israelcunaca tucuicunami paicunapaj curi zarcillocunata paicunapaj rinrincunamanta llujshichishpa Aaronpajman apamurcacuna.

ÉXODO 35:22

C'aricunapish, huarmicunapish cuna munaita shungupi charijcunaca cadenacunata, zarcillocunata, sortijascunata, brazaletecunata, tucui laya curi charinacunata, Diosman cuna cashcata Mandaj Diosman cungapajca tucuitami curimanta apamurcacuna.

PROVERBIOS 25:12

Uyashpa cazuj, yachaisapa runata imata jarcajca curi sarcillo shinapish, ashtahuan alli curimanta rurashca sumaj aparina shinapishmi.

ISAÍAS 3:19

huallcacunatapish, zarcillocunatapish brazaletecunatapish,

ISAÍAS 30:22

Chashna cashpami labrashpa rurashca dioscunata cullquihuan llihuishcacunatapish, labrashpa rurashca diostajllacunata curihuan llihuishcacunatapish mapa cashcata yuyanguichij. Millanana mapa llachapata shina anchuchishpaca: “¡Caimanta llujshi!” ninguichijmi.

EZEQUIEL 16:17

Shinallataj curimanta, cullquimanta ima sumajcunata rurashcataca ñucami curcani. Chaicunahuanmi runaman rijchaj dioscunata rurashpa, paicunahuan huainayarcangui.

OSEAS 2:8

Chai huarmica trigotapish, vinotapish, aceitetapish ñuca cucushcataca mana yuyarircachu. Achca cullquita, achca curita ñuca mirachicushcatapish mana yuyarishpami chaicunataca Baalman curca.