ÉXODO 32:19 - Dios Rimashca Shimicunami

¹⁹ Carpa huasicunaman Moisés chayashpaca, bizi diostapish, gentecuna bailacujtapish ricushpami, Moisesca yallitaj p'iñarishpa pai charicushca ishqui tablajlla rumicunata pambaman shitajpi chai rumicunaca urcu chaquipi p'aquirirca.

ÉXODO 32:19 Iomraidhean Croise

2 SAMUEL 6:14

Davidca mandaj Diospaj ñaupajpimi tucui fuerzahuan tushushpa rirca. Paica linomanta rurashca efod churanata churashcami carca.

SALMOS 119:53

Millaita rurajcunata ricushpamari yallitaj p'iñarini. Paicunaca quiquin mandashcamanta anchurishpami chashna tucuncuna.

ÉXODO 15:20

Chaipimi Aaronpaj pani profeta Mariaca, shuj panderota japishpa tocajpi, shujtaj huarmicunapish panderocunapi tocashpa tushuihuan paita catishca llujshircacuna.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 32:18

Shina nijpi Moisesca: –Macanacuipi mishashca caparita, macanacuipi mishajpi llaquilla cashpa caparitapish mana uyanichu. Ashtahuanpish ñucaca cantacujcunatami uyani– nirca.

ÉXODO 34:1

Mandaj Diosca Moisestaca: –Ñaupaman caj shinallatataj ishqui tablajlla rumicunata llambujllata rurai. Can p'aquishca puntaman caj rumicunapi quillcashca shimicunallatataj chaipipish quillcangapaj.

JEREMÍAS 31:32

Paicunapaj yayacunahuan ari ninacushcata shinaca mana rurashachu. Paicunahuanca maquimanta aisashpa Egipto llajtamanta llujshichimucushpami, ari ninacurcanchij. Paicunami ñucahuan chaipi ari ninacushcataca p'aquircacuna. Ñuca paicunapaj cusa cajpipish, mana cazurcacunachu” ninmi Mandaj Diosca.

LAMENTACIONES 5:15

Ñucanchij shungupica, ima cushicuita ña mana charinchijchu. Ñucanchij cushicushpa tushunaca, jatun llaquimanmari tigrashca.

ZACARÍAS 11:14

Chai q'uipami, “Tandachij” shuti caspitapish p'aquircani. Chaica israelcunahuan, Judá llajtapi causajcunahuan tandalla apanacushpa causana tucurishcatami ricuchirca.

NÚMEROS 12:3

Moisesca tucui cai pachapi causaj c'aricunamantaca, paillami yalli alli shungu carca.

Mateo 5:22

Ashtahuanpish ñucaca cashnami nini: Maijanpish shujtajta p'iñajtaca, jatunta llaquichinapaj juchachishcami canga. Shinallataj shujtajta: “Ch'ahuan” nijtaca, mandajcunalla tandanacushcapaj ñaupajpi juchachishcami canga. Maijanpish shujtajta: “Muspa” nijca, ucu pacha ninapi shitanapajmi saquiringa.

Marcos 10:14

Chaita Jesús ricushpaca, p'iñarishpami: –Huahuacuna ñucapajman shamuchun saquichij, ama jarcaichijchu. Cai huahuacuna shina cajcunami jahua pacha Taita Dios mandacujpica yaicunga.

Marcos 3:5

Chaimi Jesusca p'iñarishpa paicunapaj ñahuita ricurashpa paicunapaj shungu rumi shina cajpi llaquirishpa chai ungushca runataca: –Cambaj maquita chutai– nijpi, pai chutajpica chai maquica alliyarcalla.

1 Corintios 10:7

Paicunamanta maijancuna shina, rurashcalla dioscunata ama adorajcuna caichijchu. Cashnami quillcashca tiyacun: “Tucuicunami micungapaj, ubyangapaj tiyarircacuna, pugllangapajpishmi jatarircacuna” ninmi.

Efesios 4:26

P'iñarishpapish ama juchallichijchu. Inti huashicungacamaca ama p'iñalla caichijchu.

DEUTERONOMIO 10:2

Can ñaupaman p'aquishca rumicunapi quillcashca shimicunallatatajmi ñucaca quillcasha. Chai rumicunataca chai arcapi huaquichingui nircami.

DEUTERONOMIO 27:26

Maijanpish cai mandashcacunata chaitataj tucuita mana pajtachijca llaqui tucushca cachun nijpica, tucuicuna: Chashnataj cashca cachun ninguichij.