ÉXODO 32:17 - Dios Rimashca Shimicunami

¹⁷ Israelcuna yallitaj caparinacucujta uyashpami Josueca Moisestaca: –Carpa huasicunapica macanacuipi caparinatamari caparicuncuna– nirca.

ÉXODO 32:17 Iomraidhean Croise

1 CRÓNICAS 7:27

Elisamapaj churica Nunmi. Nunpaj churica Josuemi carca.

JOB 39:25

Ashtahuanpish trompetacunahuan ch'imbapurami manchanayajta huacarin. Paica macanacuitapish carumantami mutquin. Soldadocunata pushajcuna caparirishcatapish, soldadocuna caparirishcatapishmi uyan.

SALMOS 47:1

Tucui gentecuna maquicunata cuyuchichigari. Jatun cushicuihuan caparishpa Taita Diostaca cantaichigari.

ÉXODO 17:9

Chaipimi Moisesca, Josuetaca: –Israelcunapuramanta maijan runacunata agllashpa, amaleccunahuan macanacunaman llujshi. Ñucaca cayaca Diospaj caspita ñuca maquipi apashcami, urcu puntapi casha– nirca.

ÉXODO 24:13

Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

ÉXODO 32:16

Chai tablajlla rumicunaca Taita Dios rurashcami carca. Chaicunapi quillcashcapish Taita Diostaj quillcashcami carca.

ÉXODO 32:18

Shina nijpi Moisesca: –Macanacuipi mishashca caparita, macanacuipi mishajpi llaquilla cashpa caparitapish mana uyanichu. Ashtahuanpish ñucaca cantacujcunatami uyani– nirca.

ÉXODO 32:6

Cayandij tutamanta utca jatarishpami tucuita cushpa rupachinatapish, alli cangapaj cuna cashcatapish curcacuna. Tucuicunami micungapaj ubyangapaj tiyarircacuna. Chai q'uipaca cushicungapajmi jatarircacuna.

JEREMÍAS 51:14

Tucuita Mandaj Diosca: “Ñucaca canta p'iñajcunataca langostacunata shina ñahui amsayanatami apamugrini. Paicunami caparirishpa canhuan macanacungapaj shayaringacuna” nircami. Paipaj shutillamantatajmi chaitaca rurashatajmi nirca.

AMÓS 1:14

Chashna llaquichishcamantaca, Rabá pueblo muyundij patapimi ninata japichisha. Jatun macanacui punllapica ninaca trasyacujmi canga. Chai ninallahuantajmi paicuna mandashpa tiyana huasicunatapish tucui rupachisha. Chai punllaca jatun mancharina punllami canga.

AMÓS 2:2

Chashna llaquichishcamantaca, Moab llajtallapitajmi ninata japichisha. Chai ninallatajmi, Queriot pueblota mandashpa tiyana huasicunatapish tucui rupachinga. Moab llajtapi causajcunaca, trompetapi tocashpa caparinacucujpimi, tucuicuna huañungacuna.

JOSUÉ 6:10

Tucui israelcunatami Josueca: “Cancunaca ama caparinguichij, cancunapajca rimashcallapish ama uyarichun, cancunaca ama shuj shimillapish llujshinguichijchu. Ñuca capari nishca punllapi caparinguichij” nirca.

JOSUÉ 6:16

Canchis cutin muyuipi curacuna bocinapi tocajpica, Josueca israelcunataca: “Sinchita caparichij, cai pueblotaca Mandaj Diosca ñucanchijmanmi curca.

JOSUÉ 6:20

Curacuna bocinapi tocajpica, tucui israelcunaca sinchitami caparircacuna. Paicuna tocashcacunapish, sinchita caparishcacunapish uyarijpica, chai pueblo muyundij pircacunaca urmarcallami. Chai pircacuna urmajpica, tucui israelcuna paicuna ricushca derechota huichiyashpami llaquichingapaj yaicurcacuna.

JOSUÉ 6:5

Carneropaj gachu bocinacunapi sinchita tocashca uyarijpica, tucui cancuna sinchita caparinguichij. Chashna rurajpica, chai pueblo muyundij pircacunaca urmangallami. Ña urmajpica, tucui cancuna ricushca derechota chai pueblopi causajcunata llaquichingapaj yaicunguichij” nirca.

JUECES 15:14

Lehiman chayajpica, filisteocunaca caparirinacushpami paita tupanaman llujshircacuna. Mandaj Diospaj Espíritu Sansonpaj jahuaman shamujpimi, maquicunapi huatashca huascacunaca linota ninahuan rupachishca shinalla tucurca. Chaimantami paipaj maquicunata huatashca huascacunaca pambaman urmarca.

1 SAMUEL 17:20

Davidca cayandij tutamanta utca jatarishpami, ovejacunataca shujtaj cuidajman cuidacuchun saquishpa, paipaj yaya Isaí imallata apai nishcacunata apashpa rirca. Pai chayanapajca tucui soldadocuna macanacungapaj macanacunalla tucushpa shayarishpami, macanacuipaj caparita caparicurcacuna.

1 SAMUEL 17:52

Chai q'uipaca israelcunapish, judacunapish tucuicuna macanacuipi caparinata caparishpami, Gat pugru pambacama, Ecrón puebloman yaicuna pungucama catishpa filisteocunata huañuchircacuna. Saaraimman rina ñanmantaca, Gatman rina ñancunapipish Gatmantaca Ecronman rina ñancunacamami filisteocunaca achcacuna huañushca siricurcacuna.