ÉXODO 32:15 - Dios Rimashca Shimicunami

¹⁵ Moisesca chai urcumantaca, Dios ima shina cashcata ricuchishpa causanata mandashcata ishqui tablajlla rumicunapi quillcashcata paipaj maquipi apashcami uriyamurca. Chai rumicunapica cada tablajlla rumicunapi ishquindij ladoman quillcashcami carca.

ÉXODO 32:15 Iomraidhean Croise

SALMOS 19:7

Mandaj Dios mandashcaca ima mana pandachu. Ashtahuanpish almata mushujyachijmi. Ima shina causanata Mandaj Dios yachachishcaca chashnatajmi. Manaraj yachajtapish yachaisapata rurajmi.

ÉXODO 16:34

Aaronca Mandaj Dios, Moisesta mandashca shinallatajmi shuj mangapi chai tandata churashpa, Mandaj Dioshuan shuj yuyailla tucushcata ricuchij quillcata huaquichina arca ñaupajpi churashpa huaquichirca.

ÉXODO 24:12

Mandaj Diosca Moisestaca: –Ñucahuan tupangapaj urcuman huichiyashpa, chaipi shuyangui. Yachachingapaj tablajlla rumicunapi ñuca quillcashca mandashcacunataca chaipimi canman cusha– nircami.

ÉXODO 24:18

Moisesca p'uyu chaupita yaicushpami, chai urcuman huichiyarca. Moisesca chai urcupica chuscu chunga punllacunata, chuscu chunga tutacunatami carca.

ÉXODO 31:18

Sinaí urcupi chaicunata Moiseshuan ña tucui rimashpaca, Moisesmanca Dios ima shina cashca shina causachun mandashcata ishqui tablajlla rumicunapi Taita Dios paipaj quiquin dedohuan quillcashcatami curca.

ÉXODO 32:16

Chai tablajlla rumicunaca Taita Dios rurashcami carca. Chaicunapi quillcashcapish Taita Diostaj quillcashcami carca.

ÉXODO 34:29

Sinaí urcumantaca Moisesca Dios ima shina cashcata ricuchishpa causachun mandashcata quillcashca ishqui tablajlla rumicunata paipaj maquipi apashcami uriyamurca. Chai urcumanta uriyacushpaca Dioshuan rimacushcamanta paipaj ñahuicunaca lamyacuj cashcataca mana yacharcachu.

ÉXODO 40:20

Dioshuan ari ninacushca quillcataca arca ucupimi churarca. Chai arcata apana suni caspicunatapishmi arca argollacunapi churachirca. Arca jahuapica propiciatoriotami churarca.

2 Corintios 3:3

Cancunaca Cristo quillcashca, ricunalla quillcami canguichij. Ñucanchijmi chaitaca cancunaman curcanchij. Cancunaca mana tintahuan quillcashcachu canguichij, ashtahuanpish causaj Diospaj Espirituhuanmi quillcashca canguichij. Shinallataj mana tablajlla rumipi quillcashcachu, ashtahuanpish tablajlla aicha shungupimi quillcashca canguichij.

2 Corintios 3:7

Tablajlla rumicunapi quillcashca huañuchij mandashcacunapish, achij nicuj sumajmi carca. Moisespaj ñahuipish achij nicuj cajpimi, israelcunaca paipaj ñahuitaca mana ricui tucurcacuna. Chai achij nicujca chingarijllami carca.

DEUTERONOMIO 5:22

Cai mandashcacunataca Mandaj Diosmi tucui cancuna urcupi tandanacushca cajpi, nina rupacuj chaupimanta amsa p'uyu ucumanta mancharinata rimarca. Chai q'uipaca ña mana imata ashtahuan nishpami, tablajlla ishqui rumicunapi quillcashpa ñucaman curca.

DEUTERONOMIO 9:15

Chai nina rupacuj urcumantaca, ari ninacushcata quillcashca tablajlla ishqui rumicunata ñuca maquipi apashcami uriyamurcani.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.