ÉXODO 32:13 - Dios Rimashca Shimicunami

¹³ Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

ÉXODO 32:13 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 15:5

Mandaj Diosca, Abramtaca canllaman llujshichishpami: –Jahua pachata ricui. Yupai tucushpaca, chai luzerocunata yupai– nirca. Mandaj Diosca: –Cambaj huahua huahuacunaca chashnamari canga– nircami.

GÉNESIS 15:7

Mandaj Diosca: –Ñucaca caldeocuna causacun Ur pueblomanta canta llujshichimuj Mandaj Diosmi cani. Cai llajtata canman cungapajmi llujshichimurcani– nircami.

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 22:16

cashnami nirca: –Cambaj churitaca pailla cajpipish ñucaman cunataca mana mitsashpa cushcamantaca ñuca shutillapitajmi cashna nini:

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

ÉXODO 13:11

Mandaj Dios cancunamanpish, cancunapaj ñaupa yayacunamanpish cusha nishca shinallataj Canaán llajtaman ña chayachijpica,

ÉXODO 13:5

Cananeocuna, heteocuna, amorreocuna, heveocuna, jebuseocuna causacun llajtamanmi Mandaj Diosca cancunataca yaicuchinga. Lechepish, sacha chuspipaj mishquipish yacu llujshicuj shina tiyan llajtataca cancunapaj ñaupa yayacunamanmi Mandaj Diosca cusha nishpa ari nishca carca. Chai llajtapi ña cashpaca cai quillallapitaj Pascua micuitaca ruranguichij.

ÉXODO 33:1

Mandaj Diosca Moisestaca: –Egiptomanta can llujshichimushca israelcunata pushashpa huichi rilla. Abrahamman, Isaacman, Jacobmanca: Cai llajtataca cambaj huahua huahuacunamanmi cushatajmi nircani. Israelcunataca chaiman pushashpa rilla.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

DEUTERONOMIO 1:10

Mandaj Dios cancunapaj Taita Diosmi cancunataca yallitaj mirachishca. Chaimantami cunan cancunaca jahua pachapi tiyaj luzerocuna shina yallitaj achcacuna canguichij.

DEUTERONOMIO 7:8

Ashtahuanpish Mandaj Diosca cancunata c'uyashcamanta, cancunapaj ñaupa yayacunahuan ari nishcata pajtachisha nishpallami Egiptota jatun mandaj Faraonpajta huatashca shina ruracujmantaca paipaj tucuita rurai tucuj maquihuan llujshichimurca.

DEUTERONOMIO 9:27

Cambajta ruraj Abrahamta, Isaacta, Jacobtaca amataj cungaripaichu. Cai runacuna rumi shungu cashcata, Diosta mana risijcuna tucushcata, paicuna juchallishcataca amataj yuyaipi charihuaichu.

Hebreos 6:13

Diosca Abrahamman cushami nishpaca, paita yalli shujtaj jatun mana tiyajpimi, paipaj shutillapitaj,