ÉXODO 32:10 - Dios Rimashca Shimicunami

¹⁰ Cunantajca ñuca paicunata llaquichishpa tucuchingapaj saqui. Canmantami shuj jatun llajtata rurasha– nircami.

ÉXODO 32:10 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

ÉXODO 22:24

nina sindirij shina p'iñarishpami cancunata espadahuan huañuchijpi, cancunapaj huarmicunapish viudacuna saquiringa, cancunapaj huahuacunapish yaya mama illajlla saquiringacuna.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 32:19

Carpa huasicunaman Moisés chayashpaca, bizi diostapish, gentecuna bailacujtapish ricushpami, Moisesca yallitaj p'iñarishpa pai charicushca ishqui tablajlla rumicunata pambaman shitajpi chai rumicunaca urcu chaquipi p'aquirirca.

ÉXODO 33:3

Lechepish, sacha chuspipaj mishquipish yacu shina tiyan llajtaman richij. Cancuna yallitaj rumi shungucuna cashcamanta, ñucaca mana cancunahuan rishachu. Ñuca cancunahuan rishpaca ñanpi cancuna ima mana allita rurajpica, tucuicunata chingachishallatajmari– nircami.

JEREMÍAS 11:14

Chashna cashcamantaca, canca ama paicunamanta ñucata mañanguichu, ama ñucata caparinguichu. Ñucaca llaquipi cashpa, paicunataj mañajpipish mana uyashachu.

JEREMÍAS 14:11

Shinallataj Mandaj Diosca, ñucataca cashnapishmi nirca: “Ñucataca ama cai runacunapaj ima allita rurachun mañaichu.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 7:16

Canca cai runacunamantaca ama mañaichu. Ama paicunamantaca caparishpa ñucata mañaichu, ama saquipailla nichu. Paicunamanta mañashcataca mana uyashachu.

EZEQUIEL 20:13

Chashna yachachicujpipish, israelcunaca shitashca pambapimi ñucataca mana cazushpa c'ariyarcacuna. Ñuca quillcachishcapi nishca shinatajca mana purircacunachu, ñuca huillachishcacunatapish cungarircacunami. Chaicunata pajtachij runallami causanga. Ñuca cushca sanama punllacunatapish yangatami rurarcacuna. Chaimantami paicunataca p'iñarishpa, shitashca pamballapitaj llaquichishpa tucuchishami nircani.

NÚMEROS 14:12

Paicunataca ñucami huañuchij ungüita cachashpa chingachisha. Shina cashpapish canmantami ashtahuan jatun llajtata, paicunata yalli c'ari c'aricunata rurasha– nijpimi

NÚMEROS 16:21

–¡Tandanacushca cai israelcunamanta anchuichij. Paicunataca ñahui quinllaillapimi tucuchigrini!– nirca.

NÚMEROS 16:22

Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

DEUTERONOMIO 9:14

Shuyai, paicunataca cunanmi tucuita tucuchishpa, paicunapaj shutitaca cai pachamantaca tucuita anchuchigrini. Ashtahuanpish canmantami paicunatapish yalli c'ari c'ari llajtata achcacunata mirachisha nircami.

DEUTERONOMIO 9:19

Mandaj Diosca nina sindirij shina yallitaj p'iñarishpa tucuitaj chingachigrijpimi achcata mancharcani. Chashna cajpipish Mandaj Diosca, ñuca mañashcataca shuj cutinhuanmi uyarca.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.