ÉXODO 32:1 - Dios Rimashca Shimicunami

¹ Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 32:1 Iomraidhean Croise

GÉNESIS 19:14

Chaimi Lot rishpaca, paipaj ushushicunahuan cazaranacunataca: –¡Cai pueblopi causajcunataca, Mandaj Diosca chingachigrinmi. Chaimanta jatarichij caimanta llujshishpa jacuchij!– nirca. Ashtahuanpish Lotpaj yernocunaca pugllacunllami yuyarcami.

GÉNESIS 21:26

Chaimi Abimelecca: –Pi chashna rurashcataca mana yachanichu. Canpish ñucamanca imata mana huillashcanguichu. Cunancama ñucaca chaitaca imata mana yachashcanichu– nirca.

GÉNESIS 39:8

Ashtahuanpish Joseca, mana chaita rurasha nishpami paipaj amopaj huarmitaca: –Ñuca amoca paipaj huasipi tucui imalla tiyashcacunata ñuca alli cuidajta ricushpami, paica imata mana sustarishpa tucui imalla charishcacunataca ñuca maquipi churarca.

GÉNESIS 44:15

Chaimi Joseca paicunataca: –¿Ima ruranatataj rurashcanguichijchu, imamí? Ñuca shina mandajca imatapish yachai tucuj cashcataca ¿manachu yacharcanguichij?– nirca.

GÉNESIS 44:4

Paicunaca ñami pueblomanta llujshishcacuna carca. Shina cajpipish manaraj achcata caruyajpimi, Joseca paipaj mayordomotaca cashna nirca: –Chai runacunata catishpa ri. Paicunata cati japishpaca cashna ningui: Cancunapaj allita rurashca jahuamari ñucataca cashna mana allita ruramunguichij. ¿Ima nishpataj ñuca amopaj cullqui copata shuhuamunguichigari?

SALMOS 106:19

Horebpica shuj bizi diostami rurarcacuna. Curita yacuyachishpa bizi diosta rurashca ñaupajpimi cungurircacuna.

ÉXODO 13:21

Mandaj Diosca israelcunata ñaupashcami rirca. Punllaca suni p'uyuhuanmi paicuna rina ñanta ñauparca. Tutaca lunyacuj ninahuanmi achijyachishpa ñauparca. Punllapish, tutapish richunmi chashna ñauparca.

ÉXODO 14:11

Israelcunaca Moisestaca: –¿Egiptopica pambana jutcucuna mana tiyajpichu cai shitashca pambapi huañuchun ñucanchijtaca llujshichimurcangui? Egiptomanta ñucanchijta llujshichimushpaca mana ruranatamari rurangui.

ÉXODO 16:3

Paicunaca: –Ñucanchijca Egipto llajtallapitaj Mandaj Diospaj maquipi huañushca cashparajchari alli canchijman carca. Chaipica manga aichata ñaupajpi churashpami micuj carcanchij. Tandatapish mana nijtami micuj carcanchij. Cai tucuicunataca cai shitashca pambapi yaricaihuan huañuchingapajmi pushamushcanguichij– nircacunami.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 24:12

Mandaj Diosca Moisestaca: –Ñucahuan tupangapaj urcuman huichiyashpa, chaipi shuyangui. Yachachingapaj tablajlla rumicunapi ñuca quillcashca mandashcacunataca chaipimi canman cusha– nircami.

ÉXODO 24:18

Moisesca p'uyu chaupita yaicushpami, chai urcuman huichiyarca. Moisesca chai urcupica chuscu chunga punllacunata, chuscu chunga tutacunatami carca.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 32:22

Shina nijpi Aaronca: –Ñuca amito, ñucahuanca ama p'iñarihuaichu. Cai israelcuna millaita rurana yuyailla cashcataca canllataj yachanguimi.

ÉXODO 32:23

Paicunamari ñucataca: Egiptomanta ñucanchijta llujshichimuj Moisés ima tucushcataca mana yachanchijchu. Cunanca ñucanchijta ñaupashpa richun dioscunata rurai nircacuna.

ÉXODO 32:7

Mandaj Diosca Moisestaca: –Egiptomanta can llujshichimushca gentecunaca millaitami ruracuncuna. Paicunapajman uriyashpa rilla.

ÉXODO 33:3

Lechepish, sacha chuspipaj mishquipish yacu shina tiyan llajtaman richij. Cancuna yallitaj rumi shungucuna cashcamanta, ñucaca mana cancunahuan rishachu. Ñuca cancunahuan rishpaca ñanpi cancuna ima mana allita rurajpica, tucuicunata chingachishallatajmari– nircami.

EZEQUIEL 20:8

Ashtahuanpish paicunaca mana cazushpami ñucataca c'ariyarcacuna, mana cazushun nircacunachu, quiquin ñahuimantapish millaita ruranataca mana anchuchishun nircacunachu. Egipto llajtapi tiyaj dioscunatapish mana saquircacunachu. Chaimantami Egipto llajtallapitaj ñuca p'iñarishpaca, llaquichigrinitajmi nircani.

OSEAS 12:13

Mandaj Diosca, paipaj profetahuanmi israelcunataca Egiptomanta llujshichirca. Paipaj profetahuanmi punllanta pushamurca.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

NÚMEROS 14:22

Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

Mateo 24:43

Ashtahuanpish caita yuyarichij: Ima hora shuhua shamunata huasiyuj yaya yachashpaca, chaparashpami paipaj huasiman yaicuchunca mana saquinman.

Mateo 24:48

Mana alli millai servijca: “Ñuca amoca manaraj shamungachu” nishpa paipaj shungullapi yuyashpami,

Hechos 17:29

Taita Diosmanta miramushcacuna cashpaca, Taita Diostaca curita, cullquita, rumita labrashpa gentecunapaj yuyaillamanta rurashca dios shina cana cashcataca mana yuyanachu canchij.

Hechos 19:26

Chai Pablo ima shina nishpa puricujtaca cancunallataj ricunguichijmi, uyanguichijmi. Maquihuan rurashcalla dioscunaca mana Taita Diostajchu nishpami achcacunata crichishpa puricun. Chashna nishpaca mana cai Efesollapichu, tucui Asia llajtapimari achcacunata crichishca.

Hechos 7:40

Chaipimi Aarontaca: “Ñucanchijta Egiptomanta pushamuj Moisesca imachari tucun, mana ricurinchu. Ñucanchijta pushachun, dioscunata ñucanchijpaj rurai” nircacuna.

DEUTERONOMIO 31:8

Mandaj Diosmi cantaca ñaupanga. Paica canhuanmi canga. Cantaca mana saquingachu, canmantaca mana anchuringachu. Ama manchanguichu, ña mana valishachu ama ninguichu” nircami.

DEUTERONOMIO 9:1

Israelcuna uyaichij, cancunaca cunanmi cancunata yalli achca, sinchi sinchi llajtacunata, jahuacama pircashca jatun pueblocunata cancunapaj cachun japingapaj Jordán yacuta ch'imbagringuichij.

DEUTERONOMIO 9:9

Cancunaca Mandaj Dios cancunahuan ari ninacushcata quillcashca tablajlla ishqui rumicunata chasquingapaj chai urcuman ñuca huichiyajpimari chashna tucushca carcanguichij. Chaipica micunata mana micushpa, yacuta mana ubyashpami, ñucaca chuscu chunga punllata chuscu chunga tutata carcani.

JOSUÉ 7:13

Jatari, israelcunata chuyayachi. Paicunataca cashna ni: Cayapajlla chuyayaichij. Israelcunata Mandaj Diosca cashnami nin ni: Cancunapurapica chingarinapaj tucushca runami tiyan. Cancunapuramanta chai runata mana anchuchishpaca, cancunata p'iñajcunahuanca mana ch'imbapura shayari tucunguichijchu.

2 Pedro 3:4

Chaicunaca: “¿Maitagari Cristo cutin shamushami nishcaca? Mana pajtanchu. Ñucanchij yayacunapish ñami huañushca. Tucui imalla tiyajcunata Dios rurashca pachamanta cunancama tucui imapish chashnallatajmari caticun” ningacunami.