ÉXODO 30:23 - Dios Rimashca Shimicunami

²³ “Tucuimanta yalli mishquijllata ashnaj yuracunamantaca: Tucuimanta yalli alli mirratapish 500 siclota, mishquijllata ashnaj canelatapish 250 siclota, mishquijllata ashnaj calamotapish 250 siclota,

ÉXODO 30:23 Iomraidhean Croise

1 REYES 1:39

Chaipimi Sadoc curaca, Diospaj carpa huasi ucupi caj aceitendij caj gachuta apashpa chai aceitehuan Salomonpaj umapi churashpa jatun mandajmi cangui nirca. Trompetacunapi tocajpimi, tucuicuna: “¡Viva, jatun mandaj Salomón!” nishpa caparircacuna.

1 CRÓNICAS 9:29

Shujcunaca Diospaj huasipi tiyaj platocunata, tucui imalla charinacunata, cutata, vinota, aceiteta, inciensota, mishquijllata ashnacujcunatapish cuidajcunami carca.

1 CRÓNICAS 9:30

Curacunapaj maijan churicunaca mishquijllata ashnacujcunata rurajcunami carca.

SALMOS 45:8

Tucui quiquinpaj churanacunami mirrahuan, aloehuan, casiahuan mishquijllata ashnacuj. Marfilhuan rurashca mandana huasimantami quiquintaca alabancuna.

ÉXODO 25:6

lamparapi churashpa rupachina aceiteta, imata Diospajlla ch'icanyachina aceiteta ruranata, mishquijllata ashnacuj inciensota ruranapaj chagruna jambicunatapish japinguichij.

ÉXODO 30:22

Mandaj Diosca Moisestaca cashnapishmi nirca:

ÉXODO 30:24

casia yuramantaca 500 siclota japingui. Chaicunataca Diospajlla ch'icanchishca ucupi caj pezanapi pezashca cachun. Olivo aceitetapish shuj litrota japingui.

ÉXODO 31:11

Diospajlla cachun ch'icanyachina aceitetapish, Diospaj carpa huasipi churana mishquijllata ashnaj inciensotapish paicunami ñuca canta mandashca shinataj tucuita rurangacuna” nircami.

ÉXODO 35:28

Mishquijllata ashnacujcunata, lamparapi churashpa rupachina aceiteta, imata Diospajlla ch'icanyachina aceiteta rurangapajpish, mishquijllata ashnaj inciensota rurangapajpish chagruna jambicunatami apamurcacuna.

ÉXODO 37:29

Diospajlla cachun ch'icanchina aceitetapish, mishquijllata ashnaj ashtahuan alli inciensotapishmi rurarca. Chaitaca mishquijllata ashnaj jambicunata ruranata yachaj rurashcatapish yalli mishquijllaman ashnacujtami rurarca.

PROVERBIOS 7:17

Ñuca dormina ucupipish, sumaj mishquijllata ashnaj mirrata, aloeta, canelatamari churamurcani.

CANTARES 1:13

Ñuca c'uyashca, ñuca chuchu chaupipi huarcushca lutsaj mirra shinamari.

CANTARES 1:3

Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

CANTARES 4:14

Canca nardo shina, azafrán shina, ashnajlla huiru shina, canela shina, incienso yuracuna shina, mirra shina, áloe shina, tucui laya mishquijllata ashnacuj shinapishmari cangui.

ISAÍAS 43:24

Mishquijllata ashnacuj huirutaca, ñucapajca mana cullquihuan randircanguichijchu. Animalcunapaj huirata cushpa ñucata mana cushichircanguichijchu. Ashtahuanpish cancunapaj llashacuj juchatami ñucaman apachircanguichij. Cancunapaj millaita rurashcahuanmi ñucataca p'iñachircanguichij.

JEREMÍAS 6:20

Ñucamanca ¿imapajtaj chai Sabá llajta inciensota cushpa rupachinguichigari? Caru llajtamanta apamushca sumaj mishquijllata ashnaj huiru yacutapish ¿imapajtaj ñucamanca cunguichigari? Cancuna animalcunata cushpa tucui rupachishcapish, maita mana chasquipajmi. Animalcunata cushpa huañuchishcatapish manataj ricunanchu” ninmi.

EZEQUIEL 27:19

Shinallataj Dan pueblopi causajcunapish, Javán pueblomanta c'atushpa, randishpa purijcunapishmi cambaj c'atuna plazacunapica, labrashca fierrohuan, mirra yacuhuan, mishquijllaman ashnaj huiruhuan randinaman shamurcacuna.

EZEQUIEL 27:22

Sabá llajtamantapish, Raama pueblomantapish tucuimanta yalli mishquijllata ashnacujcunahuan, tucui laya sumaj rumicunahuan, curihuanmi cambaj c'atuna plazacunapi randinaman shamurcacuna.

NÚMEROS 4:16

Aarón curapaj churi Eleazarca: Lamparacunapi churana aceiteta, mishquijllata ashnacuj inciensota, punllanta Diosman cunata, Diospajlla cachun ch'icanchina aceiteta ricuj cachun. Diospaj carpa huasitapish, chaipi imalla tiyajcunatapish, Diospajlla ucutapish, chaipi imalla tiyajcunatapish pai cuidachun” nircami.

1 SAMUEL 10:1

Chaipimi Samuelca, shuj botella aceiteta Saulpaj umapi tallishpa muchashpaca: –Mandaj Diosmi paipaj israelcunata mandaj cachun, aceitehuan churan.