ÉXODO 30:12 - Dios Rimashca Shimicunami

¹² “Israelcuna mashna cashcata yupangapaj paicunapaj shuticunata quillcajpica, tucuicuna cada quiquin paicunapaj causaimanta Mandaj Diosman pagachun. Paicunata ña yupashca cajpi, ama huañui tiyachunmi chashna rurana.

ÉXODO 30:12 Iomraidhean Croise

1 CRÓNICAS 21:1

Satanasca israelcunata p'iñashpa jatarishpami, Davidmanca israelcuna mashna cashcata yupana yuyaita curca.

1 CRÓNICAS 21:12

¿Cambaj llajtapi quimsa huatacunapaj yaricai shamuchunchu munangui? ¿Mana cashpaca canta p'iñajcuna mishajpi quimsa quillacunata miticushpa purinatachu munangui? ¿Mana cashpaca, quimsa punllacunata Mandaj Diospaj espada ungüihuan llaquichichunchu munangui? Chaitaca Mandaj Diospaj angelmi tucui Israel llajtapi ñutuchinga. Cunanca chaitaca can agllai. Can imata agllashcata ñucata cambajman cachajman huillagringapaj– nircami.

1 CRÓNICAS 21:14

Chashna nijpi Mandaj Dios Israelcunaman chai ungüita cachajpimi, 70.000 runacuna huañurca.

1 CRÓNICAS 21:3

Shina nijpi Joabca: –Jatun mandaj ñuca amo, Mandaj Diosca israelcunataca cunan mashna cashcamanta patsaj cutihuan mirachishca cachun. Cambajta ruraj tucui caicunaca ¿manachu tucuicuna can ñuca amopajllataj? Ñuca amo ¿imapajtaj chaita ruranata yuyarircanguiyari? Israelcunapaj jahuapi jucha cachunchu chashna rurasha ningui– nircami.

1 CRÓNICAS 27:24

Sarviapaj churi Joab israelcunata yupai callarijpi, israelcunapajca jatun llaqui shamujpimi mana tucui yuparca. Chaimantami jatun mandaj David imallata rurashcata quillcashcacunapica israelcuna mashna cashcaca mana quillcashca tiyan.

2 CRÓNICAS 24:6

Chaimantami jatun mandajca, curacunata mandaj Joiada curata cayashpa cashna nirca: –Mandaj Diospajta ruraj Moisesca tucui israelcunatami, Dioshuan ima shinalla causanata yachachishca quillca tiyana carpa huasipajca, cullquita cuchun mandashcata churashca carca. Chashna cuna cashca cullquitaca ¿imamantataj Judá llajtapi causajcunatapish, Jerusalenpi causajcunatapish mañashpa apamuchun levitacunataca mana cachangui?

2 CRÓNICAS 24:9

Chai q'uipaca tucui Judá llajtapipish, Jerusalenpipishmi: “Mandaj Diospajta ruraj Moisesca, shitashca pambapimi israelcunataca Mandaj Diosman cullquita cuchun mandashca. Pai mandashca shinallataj, mashnata cuna cashcata apamuichij” nishpa huillarcacuna.

JOB 33:24

Chai runaca: Diosca canta llaquircami. Pambana jutcuman rinamantapish quishpichircami. Canca quishpirinata japircanguimi ninmanchari.

JOB 36:18

Shina cashcamantaca manchayari, ñataj p'iñarishpa huajtashpa canta apanman. Chai llaquimantaca imahuan manataj quishpiri tucunguichu.

SALMOS 49:7

Paicunapuramantaca shujllapish ima chaicunahuanca paipaj huauquitaca mana quishpichingachu. Paita quishpichichunpish Taita Diosmanca mana pagai tucungachu.

ÉXODO 30:11

Mandaj Diosca Moisestaca:

NÚMEROS 31:49

cashnami nircacuna: Ñucanchij cambajta rurajcuna ñucanchij mandachun ñucanchijman cushca soldadocunata yupajpica, ñucanchij soldadocunaca shujllapish mana illarcachu.

NÚMEROS 31:50

Chaimantami ñucanchij japimushcacunata Mandaj Diosman cungapajca cada quiquin imallata japishcacunataca: “Curimanta rurashca sumaj charinacunata, brazaletecunata, manillacunata, sortijascunata, zarcillocunata, cadenacunatapish apamunchij. Chaicunaca ñucanchij juchacunamanta Mandaj Diosman cungapajmi” nircacunami.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Marcos 10:45

Runa Aichayujca servishca cangapajca, mana shamurcachu, ashtahuanpish servingapaj. Paipaj causaita cushpa tucuicunata randishpa cacharichingapajmi shamurca– nircami.

1 Timoteo 2:6

Paillataj curishpami, tucuicunata randishpa cacharichirca. Chaitaca Taita Dios rurasha nishca punlla pajtajpimi ricuchirca.